Ahmedabad: કાગડાપીઠમાં થયેલી હત્યાની ગુનામાં ફરાર 5 આરોપીઓની કરાઈ ધરપકડ

અમદાવાદના કાગડાપીઠમાં થોડા દિવસ પહેલા થયેલી હત્યાની ઘટનાના ફરાર આરોપીઓ આખરે હવે પોલીસ સકંજામાં આવ્યા છે. હત્યાના ગુનામાં ફરાર 5 આરોપીઓની પોલીસ દ્વારા ધરપકડ કરી લેવામાં આવી છે. આરોપી સિદ્ધાંત ચાવડા, યશ પરમાર, કરણ સોલંકી, રાહુલ ઓડ, જયરાજ ડાભી નામના આરોપીની ધરપકડ કરવામાં આવી છે.અગાઉ જીગ્નેશ શર્મા નામના આરોપીની પોલીસે ધરપકડ કરી તમને જણાવી દઈએ કે ત્રણ-ચાર દિવસ પહેલા જ શહેરના કાગડાપીઠ વિસ્તારમાં અલ્પેશ ઠાકોર નામના યુવકની જાહેરમાં આ આરોપીઓ દ્વારા હત્યા કરાઈ હતી. હત્યાની ઘટના બાદ આસપાસના વિસ્તારમાં ભયનો માહોલ સર્જાયો હતો અને જીગ્નેશ શર્મા સહિતના આરોપીઓએ યુવકની હત્યા કરી હતી. ઉલ્લેખનીય છે કે અગાઉ જીગ્નેશ શર્મા નામના આરોપીની પોલીસે ધરપકડ કરી હતી. આ કેસમાં સ્થાનિક પીઆઈને સસ્પેન્ડ કરાયા હતા. વાસણામાં પણ હત્યાની ઘટના બનતા ચકચાર મચી અમદાવાદમાં ફરી એક વખત હત્યાનો બનાવ સામે આવ્યો છે. શહેરના વાસણા વિસ્તારમાં હત્યાનો બનાવ બન્યો છે. મળતી માહિતી મુજબ મૃતક અને તેના મિત્રો વચ્ચે કોઈ વાતને લઈને બબાલ થઈ હતી અને બબાલની ઘટના હત્યા સુધી પહોંચી ગઈ હતી. વાસણા વિસ્તારમાં હત્યાની ઘટના બનવાને લઈને આસપાસના વિસ્તારમાં અને લોકોમાં ભયનો માહોલ જોવા મળી રહ્યો છે અને ચારે બાજુ ચકચાર મચી જવા પામી છે. તમને જણાવી દઈએ મૃતક ચેન સ્નેચરના ગુનામાં સંડોવાયેલો હતો. હાલમાં તો આરોપીઓ હત્યા કરીને ફરાર થઈ ગયા છે અને આ સમગ્ર ઘટના મામલે વાસણા પોલીસ ઘટના સ્થળે પહોંચી છે અને આરોપીને ઝડપી લેવા માટે તપાસ હાથ ધરી છે.