Ahmedabadમાં AMCના પ્લોટની સુરક્ષા હાઈટેક બનશે, એરપોર્ટ જેવી સિસ્ટમ લાગુ કરવાની તૈયારી

અમદાવાદ મ્યુનિસિપલ કોર્પોરેશન (AMC) દ્વારા શહેરમાં આવેલા પોતાના પ્લોટોની સુરક્ષા વ્યવસ્થાને વધુ મજબૂત અને અત્યાધુનિક બનાવવાનો મહત્ત્વપૂર્ણ નિર્ણય લેવામાં આવ્યો છે. લાંબા સમયથી પ્લોટ પર ગેરકાયદે દબાણો અને ગેરકાયદેસર પ્રવૃત્તિઓને અટકાવવા માટે AMC હવે હાઇ-ટેક ટેકનોલોજીનો સહારો લેવા જઈ રહી છે. આ ડિજિટલ સુરક્ષા વ્યવસ્થાથી મિલકતોનું રક્ષણ વધુ સરળ બનશે.

એરપોર્ટ જેવી અત્યાધુનિક સુરક્ષા પ્રણાલી અને પાયલોટ પ્રોજેક્ટ

AMC દ્વારા એરપોર્ટ પર વપરાતી સુરક્ષા પ્રણાલી સમકક્ષ જ અત્યાધુનિક સિસ્ટમનો ઉપયોગ કરવાનું નક્કી કરવામાં આવ્યું છે. આ યોજના અંતર્ગત શરૂઆતના તબક્કામાં AMC દ્વારા 1 પ્લોટમાં પાયલોટ પ્રોજેક્ટ વિકસાવવામાં આવશે. આ સફળ થયા બાદ શહેરના અન્ય મહત્ત્વના અને સંવેદનશીલ પ્લોટોમાં પણ આ જ પદ્ધતિ લાગુ કરવામાં આવશે, જેથી જમીનો સુરક્ષિત રહી શકે.

સંપૂર્ણ ડિજિટલ અને ઓટોમેટિક એન્ટ્રી-એક્ઝિટ સિસ્ટમ

આ સમગ્ર સુરક્ષા વ્યવસ્થા સંપૂર્ણપણે ડિજિટલ પદ્ધતિથી સંચાલિત થશે. પ્લોટની અંદર આવતા અને બહાર જતા વાહનો તેમજ વ્યક્તિઓની પ્રવેશનિકાસ (એન્ટ્રી-એક્ઝિટ) ની ગણતરી ઓટોમેટિક થશે. આ હાઇ-ટેક ઓટોમેશન સિસ્ટમથી કોઈપણ માનવીય દખલ વગર પ્લોટ પર 24 કલાક પેહરેદારી રાખી શકાશે અને ગતિવિધિઓ પર સીધી નજર રાખી શકાશે.

આ પણ વાંચો : Gandhinagar News : વાઈબ્રન્ટ સમિટ 2027 માટે વૈશ્વિક કવાયત શરૂ, અમેરિકા-કેનેડાની બિઝનેસ ઇન્ડસ્ટ્રીને અપાશે આમંત્રણ