AAP નેતા રાજુ કરપડા સામે વધુ એક ફરિયાદ, જુઓ Video

ફેક વીડિયો બનાવી સોશિયલ મીડિયામાં વાયરલ કર્યો અને પોલીસ અને પબ્લિક વચ્ચે વૈયમનસ્ય ફેલાવવાનો પ્રયાસ કરવામાં આવ્યો છે, જેલ અધિક્ષકે નિલમબાગ પોલીસ મથકમાં નોંધાવી ફરિયાદ અને ભાવનગરના કેસમાં રાજુ કરપડાએ બનાવ્યો હતો વીડિયો. બોટાદના હડદડમાં પોલીસ અને ખેડૂતો વચ્ચે ઘર્ષણની ઘટનામાં પોલીસે કુલ 85 લોકો સામે ફરિયાદ નોંધી હતી. અમદાવાદ કાર્યાલય ખાતે કડદાપ્રથા બંધ કરવાની અને ખેડૂતોને ન્યાય અપાવવાની માગ સાથે આમરણ ઉપવાસ પર બેસવાના હતા, ત્યારે પોલીસે આમ આદમી પાર્ટીના નેતા રાજુ કરપડા અને પ્રવીણ રામની આજે ગુરુવારે (16 ઓક્ટોબર) ધરપકડ કરવામાં આવી છે.

પોલીસે ત્રણેય જણાને કોર્ટમાં રજૂ કરીને રિમાન્ડની માગ કરી હતી

બોટાદ જિલ્લાના હડદડ ગામમાં ખેડૂત મહા પંચાયતમાં ખેડૂતો અને પોલીસ વચ્ચે થયેલા ઘર્ષણની ઘટનામાં પોલીસે 85 લોકો સામે ફરિયાદ દાખલ કરી છે.જેમાં આમ આદમી પાર્ટીના નેતા રાજુ કરપડા, પિયુષ સિંધવ અને પ્રવીણ રામનો પણ સમાવેશ થાય છે.આ ઘટનામાં પોલીસે 65 લોકોની અટકાયત કરી છે અને તેમાંથી 18 આરોપીઓને કોર્ટમાં રજૂ કરવામાં આવતા તેમના 6 દિવસના રિમાન્ડ મંજૂર કરાયા હતાં. પોલીસે ત્રણેય જણાને કોર્ટમાં રજૂ કરીને રિમાન્ડની માગ કરી હતી. કોર્ટે ત્રણેય જણના ચાર દિવસના રિમાન્ડ મંજૂર કર્યા છે.

ખેડૂતો અને પોલીસ વચ્ચે થયેલા ઘર્ષણનો મુદ્દો વધુ ઉગ્ર બન્યો હતો

બોટાદના હડદડ ગામમાં યોજાયેલી ખેડૂત મહા પંચાયતમાં ખેડૂતો અને પોલીસ વચ્ચે થયેલા ઘર્ષણનો મુદ્દો વધુ ઉગ્ર બન્યો છે. આ ઘટનામાં પોલીસે 85 લોકો સામે ફરિયાદ નોંધી હતી. જેમાં 68 લોકોની ધરપકડ કરવામાં આવી છે. જ્યારે હજી 17 લોકોને પકડવાના બાકી છે. પોલીસે ઉપરોક્ત ત્રણ આરોપીઓના 14 દિવસના રિમાન્ડની માગ કરી હતી. પરંતુ કોર્ટે તેમના માત્ર ચાર દિવસના રિમાન્ડ મંજૂર કર્યા હતાં.