સુરત પાલિકા સંચાલિત નગર પ્રાથમિક શિક્ષણ સમિતિના 1.91 લાખ વિદ્યાર્થીઓને સ્પોર્ટ્સ શુઝ-ટ્રેક શુટ વિતરણ કરાયા

Surat Corportion : સુરત મહાનગરપાલિકાની સ્થાયી સમિતએ સુરત નગર પ્રાથમિક શિક્ષણ સમિતિના બજેટમાં 43 કરોડનો વધારો સ્થાયી સમિતિએ સુચવ્યો હતો અને તેમાં વિદ્યાર્થીઓને ગણવેશ સાથે સાથે સ્પોર્ટ્સના ડ્રેસ અને શુઝ આપવાનો નિર્ણય કરાયો હતો. 22.87 કરોડના ખર્ચે ટ્રેક, ટી-શર્ટ તેમજ સ્પોર્ટ્સ શુઝના ટેન્ડર મંજુર કરાયા હતા. સત્ર પુરું થવાના આરે માંડ ચાર પાંચ મહિના છે ત્યારે ટ્રેક, ટી-શર્ટ તેમજ સ્પોર્ટ્સ શુઝ વિતરણનો કાર્યક્રમ ગઈકાલ બુધવારે રાખવામાં આવ્યો હતો. અગાઉથી થયેલી જાહેરાત બાદ સમિતિના વિદ્યાર્થીઓને રાજ્યના ગૃહ મંત્રીના હસ્તે સ્પોર્ટ્સના ડ્રેસ અને શુઝ લેવાનો ઉમંગ હતો, પરંતુ જન્મ દિવસની ઉજવણીમાં વ્યસ્ત હોવાથી તેઓ આવી ન શકતા પાલિકાના દંડક અને શાસક પક્ષ નેતા તથા સમિતિના હોદ્દેદારોના હસ્તે વિતરણ કાર્યક્રમ કરવામા આવ્યો હતો.