શાહપુરમાંથી બનાવટી વિદેશી દારૂ સાથે પોલીસે યુવકને ઝડપી લીધો

અમદાવાદ,ગુરૂવારશહેરના શાહપુર વિસ્તારમાં આવેલી રેંવતદાસની ખડકીમાં પોલીસે દરોડો પાડીને બનાવટી વિદેશી દારૂના મોટા જથ્થા એક સ્થાનિક વ્યક્તિની ધરપકડ કરીને કાર્યવાહી કરી છે. પોલીસને સ્થળ પરથી તેલના ડબ્બામાં છુપાવેલો દારૂનો જથ્થો અને ખાલી બોટલો પણ મળી આવી હતી. આ અંગે પોલીસે વધુ તપાસ હાથ ધરી છે. શાહપુર પોલીસ સ્ટેશનના પોલીસ ઇન્સ્પેક્ટર  પી બી ખાંભલાના સ્ટાફને બાતમી મળી હતી કે  શાહપુર હલીમની પટ્ટી નજીક આવેલા રેંવતદાસ ખડકીમા રહેતો રીકી બરોલા (જૈન) વિદેશી દારૂનો વેપલો કરે છે. જેના આધારે પીએસઆઇ ડી જી ભાટીયા અને તેમના સ્ટાફે દરોડો પાડયો ત્યારે તે ચોંકી ઉઠયા હતા.