Bhupendrasinh Zalaની ધરપકડ કરવા CID ક્રાઈમે વેશ પલટો કરી ઓપરેશન પાર પાડયું

મહાઠગ ભૂપેન્દ્ર ઝાલાની ધરપકડ મુદ્દે મોટા સમાચાર સામે આવી રહ્યાં છે,જેમાં સીઆઈડી ક્રાઈમે કઈ રીતે ઓપરેશન પાર પાડયું તેની માહિતી સામે આવી છે.CID ક્રાઈમે વેશ પલટો કરીને ભૂપેન્દ્રસિંહ ઝાલાને ઝડપી પાડયો છે જેમાં 4 દિવસ CID ક્રાઈમે વેશ પલટો કરી ઓપરેશન પાર પાડ્યું છે,તો વેશ પલટો કરી ઝાલા સાથે કિરણસિંહને પણ દબોચ્યો છે. ફાર્મ હાઉસમાં કરી રેકી પોલીસે સમગ્ર ઘટનામાં ફાર્મ હાઉસમાં રેકી કરી હતી અને વેશ પલટો કર્યો હતો,જે સમયથી તે ગુજરાતના મહેસાણામાં પ્રવેશ્યો તે સમયે તે વોટસઅપ કોલના માધ્યમથી અલગ-અલગ લોકોના સંપર્કમાં હતો અને પોલીસની કામગીરી પર નજર રાખી રહ્યો હતો,કિરણસિંહે અત્યાર સુધી સૌથી વધારે મદદ ભૂપેન્દ્રસિંહ ઝાલાને કરી છે.ત્રણ તબક્કામાં ઝાલા 10 દિવસ ફાર્મ હાઉસમાં રોકાયો હતો અને પોલીસને માહિતી મળી હતી તેના પર ઓપરેશન પાર પાડયું છે. ચાર દિવસ કરી રેકી પોલીસે આ સમગ્ર ઘટનાની જાણ સીઆઈડી ક્રાઈમની ટીમ જાણતી હતી અને બાતમીદારના આધારે ઓપરેશન પાર પાડયુ છે જેમાં ફાર્મ હાઉસ મોટું હોવાથી કયાંથી કંઈ રીતે અંદર ઘુસવું તેને લઈ સવાલ ઉભો થયો હતો સાથે સાથે પોલીસે ચાર દિવસ રેકી કરી હતી અને ખાનગી વાહનમાં રેકી કરી હતી,જયાં આગળ સીસીટીવી ના હતા તેવી જગ્યાએ પોલીસની બાજ નજર હતી અને ખેલ પૂર્ણ કરી દેવામાં આવ્યો. ભૂપેન્દ્રસિંહ ઝાલાને કોર્ટમાં કરવામાં આવશે રજૂ આજે સાંજે ૪ વાગે ભૂપેન્દ્રસિંહ ઝાલાને કોર્ટમાં રજૂ કરવામાં આવશે અને સીઆઈડી ક્રાઈમ આ બાબતે 14 દિવસના રિમાન્ડની પણ માંગણી કરશે સાથે સાથે નાણાંકીય વ્યવહારો, ફરાર થયો ત્યારે થયેલા સંપર્ક સહિતની વિગતો પર માંગી શકે છે રિમાન્ડ. ભૂપેન્દ્રસિંહ ઝાલા સાથે સગાઈ થવાની હતી તે યુવતી PI:સૂત્ર સૂત્રો તરફથી મળતી માહિતી પ્રમાણે વાત કરવામાં આવે તો જે ફાર્મહાઉસ છે તે PIના ધર્મના ભાઈનું છે અને તેના કારણે તેને આશરો આપવામાં આવ્યો હતો સાથે સાથે પીઆઈ મહિલા ફાર્મ હાઉસમાં ઝાલા માટે સલાહ લેવા ગઈ હતી,અને આ જ પીઆઈ યુવતી સાથે ભૂપેન્દ્રસિંહની સગાઈ થવાની હોવાની વાત પણ સામે આવી છે.