વડોદરા: સમા વિસ્તારમાં ડ્રેનેજની કામગીરીમાં વેઠ ઉતારવામા આવતા તપાસની માંગણી

વડોદરા મ્યુનિસિપલ કોર્પોરેશન દ્વારા શહેરના સમા વિસ્તારમાં જય યોગેશ્વર સોસાયટી પાસે ડ્રેનેજ લાઈનની કામગીરી થોડા સમય પહેલા શરૂ કરવામાં આવી છે. આ કામગીરીમાં કોન્ટ્રાક્ટર દ્વારા વેઠ ઉતારવામાં આવી રહી હોવાનો આક્ષેપ વિસ્તારના રહીશો અને અગ્રણીઓએ કર્યો છે. તેમના કહેવા મુજબ આ વિસ્તારમાં ચોમાસા દરમિયાન પાંચ થી છ વખત ભુવા પડેલા હતા અને ડ્રેનેજ લાઈન કંડમ થઈ જતા મોટો ખર્ચ કરી નવી નાખવી પડી રહી છે. કામગીરી માર્ચ 2024 માં શરૂ થવાની હતી તેના બદલે 9 મહિના મોડી શા માટે શરૂ કરવામાં આવી છે તે અંગે સવાલ ઉઠાવવામાં આવ્યો છે.