વડોદરા: શેરબજારમાં રોકાણના નામે 1 કરોડની ઓનલાઈન છેતરપિંડી, ચાર આરોપીઓની જામીન અરજી કોર્ટે ફગાવી

May 29, 2026 - 04:30

Join our WhatsApp Community to receive travel deals, free stays, and special offers!
- Join Now -

Vadodara Cyber Crime: શેરબજારમાં રોકાણના નામે રૂપિયા 1 કરોડની છેતરપિંડી આચરવાના બનાવમાં સંડોવાયેલા ચાર આરોપીઓએ જામીન અરજી મૂકતાં અદાલતે ચારેય અરજદારોની અરજી નામંજૂર કરી હતી. ન્યાયાધીશે ચુકાદામાં નોંધ્યું હતું કે, આવા ગુનાઓથી ઓનલાઈન વ્યવહારો પરથી લોકોનો વિશ્વાસ ડગી જાય છે, જે દેશની પ્રગતિ અને અર્થતંત્ર પર માઠી અસર કરે છે.

કેસની વિગત એવી છે કે, સિનિયર સિટીઝન રાકેશભાઈ સાથે નવેમ્બર-2025 થી જાન્યુઆરી-2026 દરમિયાન વોટ્સએપ ગ્રુપ અને ડમી વેબસાઇટ દ્વારા સેબી (SEBI) રજીસ્ટર્ડના ખોટા દસ્તાવેજો બતાવી શેરબજારમાં રોકાણના નામે રૂપિયા 1 કરોડની છેતરપિંડી આચરાઈ હતી. આ બનાવ અંગે તારીખ 29 એપ્રિલના રોજ સાયબર ક્રાઈમ પોલીસે ગુનો દાખલ કર્યો હતો. આ ગુનામાં સંડોવાયેલા આરોપીઓ ઈરફાન મેમણ, યાસીનખાન પઠાણ, પાર્થ બારડ અને ફેઝાન શેખની ધરપકડ કરવામાં આવી હતી.