મોરબી નજીક હોટલમાં મહિલાને ઘેની પ્રવાહી પીવડાવી 2 શખ્સો દ્વારા દૂષ્કર્મ

પીડિત મહિલા સહિત 3 શખ્સોએ દૂષ્કર્મના ગુના સંડોવી દેવાની ધમકી આપીને રૂા. 15 લાખ પડાવી લેવા પ્રયાસ કર્યાની વળતી ફરિયાદથી ચકચારમોરબી, : રાજકોટ રહેતી પરિણીતાને કોલ્ડ્રીંકસમાં ઘેની પદાર્થ પીવડાવી બે ઇસમોએ દુષ્કર્મ આચર્યું હોવાની પોલીસ મથકમાં ફરિયાદ નોંધાવી હતી. જયારે સામાપક્ષે આરોપીએ ભોગ બનનાર મહિલા સહિત ત્રણ ઇસમો વિરૂદ્ધ દુષ્કર્મ જેવા ગંભીર કેસમાં ફસાવી દેવાની ધમકી આપી પંદર લાખ જેટલી રકમ કઢાવવા ધમકી આપી જાતી પ્રત્યે અપમાનિત કર્યાની પોલીસ ફરિયાદ નોંધાઈ છે. જેથી પોલીસે બંને પક્ષની ફરિયાદને આધારે વધુ તપાસ ચલાવી છે.