બિચ્છૂ ગેંગના નામચીન અસલમ બોડિયાની જામીન અરજી ગુજરાત હાઇકોર્ટે નામંજૂર કરી

Aug 23, 2025 - 22:30

Join our WhatsApp Community to receive travel deals, free stays, and special offers!
- Join Now -

ગુજસીટોકનો વડોદરામાં પહેલો ગુનો બિચ્છૂ ગેંગ વિરૃદ્ધ દાખલ થયો હતો. જેમાં નામચીન અસલમ બોડિયો છેલ્લા સાડા ચાર વર્ષથી જેલમાં છે. ગુનાની ચાર્જશીટ બાદ અસલમે હાઇકોર્ટમાં રેગ્યુલર જામીન અરજી ગુજારતા કોર્ટે તેને નામંજૂર કરવાનો હુકમ કર્યો હતો.

જામીન અરજીની સુનાવણી દરમ્યાન અરજદારની દલીલો હતી કે, છેલ્લા ચાર વર્ષ અને છ મહિના વધુ સમયથી ન્યાયિક કસ્ટડીમાં છે. જેલવાસના સમયગાળાને ધ્યાનમાં લેતા યોગ્ય શરતો રાખી તેને મુક્ત કરી શકાય છે. સરકાર તરફે સરકાર તરફે ગુજરાત હાઇકોર્ટના એપીપી હાર્દિક સોનીની દલીલો હતી કે, અરજદાર સંગઠિત ગુના સિન્ડિકેટના લીડર છે. અરજદાર સામે 64થી વધુ અને ગેંગ સામે કુલ 202 ગુના નોંધાયા છે.