ગુજરાતમાં પણ NCPના બે ભાગ, અજિત જૂથે નવા પ્રમુખની કરી જાહેરાત, બોસ્કી શરદ પવાર જૂથમાં રહેશે

મહારાષ્ટ્ર બાદ હવે ગુજરાતમાં પણ NCP (નેશનાલિસ્ટ કોંગ્રેસ પાર્ટી)માં બે ફાંટા પડ્યા છે. ગુજરાતમાં અત્યાર સુધી અજિત પવાર જૂથ સક્રિય નહોતું, પરંતુ હવે અજિત પવારની NCPએ ગુજરાતમાં પોતાના નવા સંગઠનની રચના કરી છે. જે હેઠળ ગુજરાત પ્રમુખ તરીકે નિકુલસિંહ તોમરની વરણી કરાઈ છે. જણાવી દઈએ કે, ગુજરાતમાં અત્યાર સુધી NCP ગુજરાતના પ્રદેશ પ્રમુખ જયંત બોસ્કી હતા. પરંતુ હવે જયંત બોસ્કી (પટેલ) જૂથ શરદ પવાર જૂથ તરીકે ગુજરાતમાં ઓળખાશે. તો આ સાથે અજિત પવારના સંગઠનમાં ઉપપ્રમુખ, મહામંત્રી અને શહેર પ્રમુખોની પણ નિમણૂંક કરવામાં આવી છે.