ખંડેરાવ માર્કેટ પાછળના ફ્રુટ બજારમાં સવારે ભારદારી વાહનોના આડેધડ પાર્ક થતા હાલાકી: ટ્રાફિક જામ

વડોદરા શહેરના ખંડેરાવ માર્કેટ પાછળના ફ્રુટ બજારમાં વહેલી સવારથી  આડેધડ પાર્ક થતાં ભારદારી સહિત તમામ પ્રકારના નાના મોટા વાહનોમાંથી ફ્રુટ ખાલી કરાય છે. પરંતુ આડેધડ થતાં વાહનોના કારણે લોકોને આવન જાવન સહિત અન્ય વાહનચાલકોને ભારે હાડમારીનો સામનો કરવો પડે છે. રોજિંદી આવી હાડમારીમાં કલાકો સુધી એકેય બાજુથી વાહન વ્યવહાર સરળ રીતે પસાર થઈ શકતો નથી. રોજિંદી આ તકલીફ અંગે પાલિકા તંત્રમાં વારંવાર ફરિયાદ થઈ છે. છતાં પણ આ બાબતે કોઈ કાયમી નિકાલ લાવવામાં તંત્ર નિષ્ફળ પુરવાર થાય છે. જો આ વિસ્તારમાં ક્યારેય કોઈ અઘટીત બનાવ બને ત્યારે એમ્બ્યુલન્સ ને આવવા જવામાં કોઈ રસ્તો મળી શકે નહીં એવી સ્થિતિનું રોજિંદુ નિર્માણ છે.