વાપી શહેર કોંગ્રેસે રેલવે ફ્લાય ઓવરના મંથરગતિએ ચાલતી કામગીરીનો વિરોધ કરી આવેદનપત્ર આપ્યું

Sep 9, 2025 - 20:00

Join our WhatsApp Community to receive travel deals, free stays, and special offers!
- Join Now -

Vapi Congress : વાપી રેલવે ફ્લાય ઓવર નિર્માણની કામગીરી ૩ વર્ષ બાદ પણ પૂર્ણ નહીં થતા લોકોને પડી રહેલી હાલાકી અંગે વાપી કોંગ્રેસે મોરચો કાઢ્યો હતો. પીડબ્લ્યુ વિભાગના અધિકારીને આવેદનપત્ર પાઠવી ભારે વિરોધ કરી સમસ્યાનો હલ નહી થાય તો કચેરીને તાળાબંધી કરવાની ચિમકી આપી હતી.

વાપી પૂર્વ અને પશ્ચિમને જોડતા રેલવે ફ્લાય ઓવર તોડી પાડી નવો ફ્લાય ઓવર બનાવવા ત્રણ વર્ષ અગાઉ પ્રારંભ કરાયા બાદ હજી સુધી નિમાર્ણ કાર્ય પૂર્ણ નહી થતા વાપીવાસીઓ ભારે યાતના ભોગવી રહ્યા છે. ટ્રાફિકની સમસ્યા અને લોકોને પડતી મુશ્કેલી અંગે આજે મંગળવારે વાપી શહેર કોંગ્રેસ પ્રમુખ નિમેશ વશી, માજી પાલિકા વિપક્ષ નેતા ખંડુ પટેલ, આગેવાનો સહિત કાર્યકરોએ પીડબ્લ્યુ કચેરીએ મોરચો કાઢી આવેદનપત્ર પાઠયવ્યું હતું. જેમાં વર્ણવ્યા મુજબ રેલવે ફ્લાય ઓવર તોડી પાડી નિર્માણ કામગીરી શરૂ કરાઇ હતી.