વડોદરાના આજવા રોડ પર દશામાની મૂર્તિઓના વિસર્જનની રાત્રે પ્રેમ સંબંધની અદાવતે યુવક પર હુમલો

Aug 4, 2025 - 13:30

Join our WhatsApp Community to receive travel deals, free stays, and special offers!
- Join Now -

Vadodara Crime : વડોદરાના આજવા રોડ પર દત્તનગરમાં રહેતા અને ગેસ સિલિન્ડરની ડિલિવરી બોય તરીકે નોકરી કરતા જયેશ જીગ્નેશભાઈ ઠાકોરે બાપોદ પોલીસ સ્ટેશનમાં ફરિયાદ નોંધાવી જણાવ્યું છે કે મારે એક મહિલા સાથે પ્રેમ સંબંધ હતો તેની જાણ તેના પરિવારમાં થઈ જતા અમારે ઝઘડો થયો હતો અને ત્યારબાદ અમારા વચ્ચે સમાધાન થઈ ગયું હતું. ગત ત્રીજી તારીખે સવારે 4:00 વાગે હું તથા મારો ભાઈ નીતિન અને મામાનો દીકરો દશામાના વિસર્જનમાં ગયા હતા. તે સમયે અગાઉના ઝઘડાની અદાવત રાખી વિષ્ણુ ઉર્ફે સાગર પરમાર, પિયુષ, કમલ અને ભાર્ગવે મારા પર હુમલો કર્યો. સાગર તેના હાથમાં પહેરેલા કળા વડે મને માથાના ભાગે મારતા હું નીચે પડી ગયો હતો. પિયુષે મને ધમકી આપી હતી કે હવે તું મને મળે તો જાનતે મારી નાખીશ. દરમિયાન આજુબાજુના લોકો ભેગા થઈ જતા આરોપીઓ ભાગી ગયા હતા.