વડોદરા: સાવલીમાં સમરાંગણ! ચૂંટણી ફોર્મ ભરવા બાબતે બે જૂથો બાખડ્યા

Apr 12, 2026 - 03:00

Join our WhatsApp Community to receive travel deals, free stays, and special offers!
- Join Now -

Savli Election Clash

Savli Election Clash: રાજ્યમાં સ્થાનિક સ્વરાજ્યની ચૂંટણીને લઈને રાજકીય માહોલ ગરમાયો છે, ત્યારે આજે(11 એપ્રિલ, 2026) ઉમેદવારીપત્ર ભરવાના છેલ્લા દિવસે વડોદરાના સાવલી તાલુકા પંચાયત કચેરી ખાતે ચૂંટણી ફોર્મ ભરવા મામલે બે જૂથ વચ્ચે ઉગ્ર બોલાચાલી બાદ મારામારી થઈ હોવાના દ્રશ્યો સામે આવ્યા છે.

મળતી માહિતી મુજબ, વડોદરાના સાવલી સ્થાનિક સ્વરાજની ચૂંટણીના ફોર્મ ભરવાના અંતિમ દિવસે કોઈ અગમ્ય કારણોસર બે જૂથો વચ્ચે છૂટાહાથની મારામારી થઈ હતી. મારામારીની ઘટનાને લઈને ઘટનાસ્થળે હાજર સાવલી પોલીસ ત્યાં આવીને મામલો થાળે પાડ્યો હતો. આ દરમિયાન મારામારીને પગલે થોડા સમય માટે ચૂંટણીના ફોર્મ ભરવાની પ્રક્રિયા ખોરવાઈ હતી.