રેશનિંગ દુકાનધારકોની હડતાળનો ચોથો દિવસ: ગાંધીનગરમાં નિર્ણાયક બેઠક, સમાધાન પર સૌની નજર

Nov 4, 2025 - 20:00

Join our WhatsApp Community to receive travel deals, free stays, and special offers!
- Join Now -

Ration Shop Dealers Strike: રાજ્યભરના રેશનિંગ દુકાનધારકોની હડતાળનો આજે ચોથો દિવસ છે, ત્યારે લાખો ગરીબ અને મધ્યમ વર્ગના ગ્રાહકોની મુશ્કેલીઓ વધી રહી છે. આવશ્યક ચીજવસ્તુઓ મેળવવામાં ઉભી થઇ રહેલી અડચણોના કારણે સામાન્ય જનજીવન પર ગંભીર અસર પડી રહી છે. આ પરિસ્થિતિના તાત્કાલિક ઉકેલ માટે રાજ્ય સરકારનું અન્ન અને નાગરિક પુરવઠા વિભાગ સક્રિય બન્યું છે અને આજે ગાંધીનગર ખાતે વિતરક આગેવાનો સાથે એક મહત્ત્વપૂર્ણ બેઠક યોજાઈ રહી છે.

હડતાળ શરૂ થયાના માત્ર ચાર દિવસમાં જ વિભાગ દ્વારા આ ત્રીજી વાર બેઠક બોલાવવામાં આવી છે. આ અગાઉ મંત્રી સ્તરે પણ વિતરકો સાથે બેઠક યોજાઈ હતી, પરંતુ તેમાં કોઈ નક્કર પરિણામ ન આવતા હવે ઉચ્ચ અધિકારીઓએ કમાન સંભાળી છે.