મોરેશિયસમાં યોગા ડે એ ગ્રુપ પરફોર્મન્સના નામે વડોદરાના મહિલા પ્રિન્સિપાલ સાથે ઠગાઇ

Sep 14, 2025 - 05:00

Join our WhatsApp Community to receive travel deals, free stays, and special offers!
- Join Now -

વડોદરાઃ ડોદરાના પ્રતિભાશાળી વિદ્યાર્થીઓનું ગુ્રપ પરફોર્મન્સ કરી ભારતીય સંસ્કૃતિના પ્રચાર માટે ગોરવાની ખાનગી સ્કૂલના નિવૃત્ત મહિલા પ્રિન્સિપાલ સાથે એક સંસ્થાના સંચાલક દ્વારા ૨.૮૭ લાખની ઠગાઇ કરવાનો બનાવ બનતાં ગોરવા પોલીસે ગુનો નોંધ્યો છે.આરોપી પકડાય તો બીજા ગુના આચર્યા છે કે કેમ તેનો ભેદ ખૂલશે.

સુભાનપુરાની સ્નેહધારા સોસાયટીમાં રહેતા હિમેશભાઇ ઓઝાએ પોલીસને કહ્યું છે કે,મારા પત્ની વંદનાબેન ગોરવાની સીકે પ્રજાપતિ સ્કૂલમાં પ્રિન્સિપાલ હતા ત્યારે ડિસેમ્બર-૨૦૨૪માં કનુ બાલુભાઇ પટેલ (પંડિત દિનદયાળ નગર,વુડાના મકાનમાં, યશ કોમ્પ્લેક્સ સામે,ગોત્રી)તેમને મળ્યા હતા. કનુ પટેલે તેઓ જુદીજુદી સંસ્થા ચલાવે છે અને ભારતીય સંસ્કૃતિના પ્રચાર માટે યુએસ, મોરેશિયસ જેવા દેશોમાં વિદ્યાર્થીઓ, પ્રિન્સિપાલ અને એક કોઓર્ડિનેટરને લઇજઇ તમામ ખર્ચ સંસ્થા કરે છે તેમ કહ્યું હતું.