બોડકદેવમાં મસાજ પાર્લર આડમાં ચાલતું દેહવિક્રયનું કૌભાંડ ઝડપાયું

અમદાવાદ,ગુરૂવારમસાજ પાર્લરની આડમાં ચાલતા દેહવિક્રયના ધંધા સામે અગાઉ મોટા પાયે કાર્યવાહી કરવામાં આવી હતી. જો કે ફરીથી મસાજ પાર્લરના નામે ફરીથી દેહવિક્રયનો કારોબાર શરૂ થઇ ગયો છે. ડીસીપી ઝોન-૭ના સ્ટાફે સિંધુભવન રોડ પર આવેલા એક  સ્પા સેન્ટરમાં દરોડો પાડીને ત્રણ લોકો સામે ગુનો નોંધીને કાર્યવાહી કરી છે. ડીસીપી ઝોન-૭ના સ્ક્વોડના સ્ટાફના પીએસઆઇ વાય પી જાડેજા અને તેમના સ્ટાફને બાતમી મળી હતી કે સિંધુભવન રોડ પર આવેલા સિલ્વર રેડિયમ કોમ્પ્લેક્સના બીજા માળ સ્થિત ઓઝોન સ્પામાં મસાજના નામે દેહ વિક્રયની પ્રવૃતિ કરવામાં આવી રહી છે. જેના આધારે પોલીસે દરોડો પાડયો હતો. જ્યાં બે યુવતીઓ મળી આવી હતી.