ડાયમંડ જ્યુબિલી ઇન્સ્ટિટયૂટની બિલ્ડિંગ સુરક્ષાના સાધનો વગર જ તોડી નાંખી

Jun 17, 2026 - 06:30

Join our WhatsApp Community to receive travel deals, free stays, and special offers!
- Join Now -

વડોદરા, તા.16 શહેરના રાજમહેલરોડ પર આવેલી ડાયમંડ જ્યુબિલી ઇન્સ્ટિટયૂટની બિલ્ડિંગ સુરક્ષાના કોઇપણ સાધનો વગર તોડી નાંખતા નજીકમાં આવેલી સોસાયટીના મકાનોમાં નુકસાન થતા લોકોમાં રોષ ફેલાયો છે. અચાનક બિલ્ડિંગ તૂટી પડતા ભૂકંપ આવ્યો હોય તેવી બીકે રહીશો ઘરની બહાર દોડી આવ્યા હતાં.

ટેકનિકલ કોર્સ ચલાવતી સરકારી ઇન્સ્ટિટયૂટની ઇમારત જર્જરિત થઇ ગઇ હોવાથી તેને તોડવાની કાર્યવાહી હાથ ધરવામાં આવી હતી. આ બિલ્ડિંગ પત્તાના મહેલની જેમ ધડાકાભેર તૂટી પડી તેનો કાટમાળ ચારે બાજુ ફેલાતા આજુબાજુની સોસાયટીના રહીશો ચિંતાતૂર બની ગયા છે. બિલ્ડિંગ તોડતા પહેલા કોઇ સુરક્ષા કવચ નહી લગાડાતા તેનો કાટમાળ લોકોના ઘરના આંગણાંમાં જઇને પડયો તો કેટલાંકના ઘરને નુકસાન થયું છે.