ટ્રેનમાં પોલીસે સ્ટીલનો ડબ્બો ખોલ્યો તો ચોંકી ગઇ, રસગુલ્લા અને અથાણાંની નીચેથી નિકળ્યો ગાંજો

Drugs Seized in Puri Gandhidham: આ અંગેની વિગત એવી છે કે પુરી-ગાંધીધામ એક્સપ્રેસ ટ્રેન વડોદરા રેલવે સ્ટેશન પર પ્લેટફોર્મ નંબર-6 પર આવતા રેલવે પોલીસનો સ્ટાફ વોચમાં હતો. દરમિયાન ટ્રેનના એન્જિનથી પ્રથમ જનરલ કોચમાં તપાસ કરતાં પાછળના બંને શૌચાલયની વચ્ચે એક નેવી બ્લ્યૂ કલરનો કાપડનો થેલો પડેલો જણાયો હતો. આ થેલામાં શું છે તેની તપાસ માટે ડોગને સુંઘાડતા ડોગે અંદર માદક પદાર્થ હોવાનો સંકેત આપ્યો હતો. આ થેલા અંગે પોલીસે કોચમાં હાજર મુસાફરોની પૂછપરછ કરતાં કોઇએ પોતાનો થેલો નહી હોવાનું જણાવ્યું હતું.  બાદમાં પોલીસે થેલો ખોલી તપાસ કરતાં અંદરથી ગ્રીન કલરની સાડી, સ્ટીલના બે ડબ્બા મળ્યા હતાં.