જામનગરમાં ઉશ્કેરણીજનક ગીત-સંવાદનો વિવાદ, સાંસદ અને કોર્પોરેટરની ફરિયાદ રદની અરજી હાઈકોર્ટે ફગાવી

Jamnagar News : જામનગરમાં વર્તમાન કોર્પોરેટર અને વિરોધ પક્ષના પૂર્વ નેતા અલ્તાફ ખફીના જન્મદિવસે સંજરી એજ્યુકેશન એન્ડ ચેરીટેબલ ટ્રસ્ટ દ્વારા 'સમૂહ શાદી'નો કાર્યક્રમ યોજાયો હતો. જેમાં રાજ્યસભાના સાંસદ ઈમરાન પ્રતાપગઢી ઉપસ્થિત રહ્યા હતા. આ દરમિયાન રાજ્યસભાના સાંસદની એન્ટ્રી વખતે બેકગ્રાઉન્ડમાં ઉશ્કેરણીજનક ગીત અને સંવાદને લઈને વિવાદ વકર્યો હતો. જેને લઈને સાંસદ અને સ્થાનિક કોર્પોરેટર વિરુદ્ધમાં પોલીસમાં ફરિયાદ નોંધાવામાં આવી હતી. જ્યારે ફરિયાદ રદ કરવા માટે ગુજરાત હાઈકોર્ટે પહોંચ્યા હતા. જો કે, હાઈકોર્ટે આ મામલે અરજી રદ કરી હતી.