કન્ટેનરમાં ગુપ્તખાનું : હરિયાણાથી અમદાવાદમાં તરફ ડિલીવરી પહેલા 46 લાખનો દારૂનો જથ્થો ઝડપાયો

Sep 24, 2025 - 15:00

Join our WhatsApp Community to receive travel deals, free stays, and special offers!
- Join Now -

Vadodara Liquor Smuggling : હરિયાણાથી અમદાવાદ તરફ દારૂનો જથ્થો ભરીને જતા એક કન્ટેનરને વડોદરા અમદાવાદ એક્સપ્રેસ હાઈવે પરથી જિલ્લા એલસીબીએ ઝડપી પાડી ફુલ 61 લાખથી વધુ રકમનો મુદ્દામાલ કબજે કરી ડ્રાઇવરની ધરપકડ કરી હતી.

એક બંધ બોડીનું આઇસર કન્ટેનર રાજસ્થાન પાસિંગનું ભરૂચથી એક્સપ્રેસ હાઈવે થઈ અમદાવાદ તરફ જનાર છે તેવી માહિતીના આધારે જિલ્લા એલસીબી સ્ટાફે એક્સપ્રેસ હાઈવે ઉપર આસોજ ગામ પાસે ટોલનાકા પર ગઈ રાત્રે વોચ ગોઠવી હતી. દરમ્યાન બાતમી મુજબનું કન્ટેનર આવતા તેને રોકી ડ્રાઇવરની પૂછપરછ કરતા તેણે કન્ટેનર ખાલી હોવાનું જણાવ્યું હતું જોકે કન્ટેનર વચ્ચે એક પાર્ટીશન પાડી ગુપ્ત ખાનું જેનો દરવાજો કન્ટેનર ઉપર બનાવ્યો હતો. જે નજરે પડતા પોલીસે કન્ટેનર પર ચડી ચેક કરતા ગુપ્ત ખાનાની અંદર દારૂનો મોટો જથ્થો જણાયો હતો.

કન્ટેનરમાંથી રૂપિયા 46 લાખ કિંમતની દારૂની 6,288 બોટલો મળી હતી.