એશિયા કપ પર સટ્ટો રમાડતા મોરબીના શખ્સની મુંબઈમાં ધરપકડ

Sep 30, 2025 - 09:00

Join our WhatsApp Community to receive travel deals, free stays, and special offers!
- Join Now -

મુંબઈના ગ્રાન્ટ રોડની હોટલ પર પોલીસનો છાપો : મોબાઈલ એપથી સટ્ટો રમાડાતો હતો : આંગડિયા દ્વારા રોકડના વ્યવહારો કરાતા હતા

મુંબઈ/ મોરબી : રવિવારે સમાપ્ત થયેલા એશિયા કપની મેચ પર સટ્ટો રમાડતા મૂળ ગુજરાતના મોરબીના એક શખ્સની મુંબઈના ગ્રાન્ટ રોડ વિસ્તારની એક હોટલમાંથી ડીપી માર્ગ પોલીસ દ્વારા ધરપકડ કરાઈ હતી.

મોરબીના 32 વર્ષીય વસીમ કાંડાએ પોલીસને જણાવ્યું હતું કે તે મિત્રો અને પરિચિતો પાસેથી મળેલા ઓર્ડરના આધારે લેજર બુક એપ દ્વારા સટ્ટો લગાવતો હતો. બધા વ્યવહારો રોકડમાં કરવામાં આવ્યા હતા અને વિજેતાઓને બે દિવસમાં એચપી આંગડિયા (મોરબી) દ્વારા પૈસા ચૂકવવામાં આવતા હતા. પોલીસે આ સટ્ટાબાજી નેટવર્કનો પર્દાફાશ કરવા માટે આંગડિયા લિંકની તપાસ કરી રહી છે.