Weather News : આગામી 3 દિવસ ગુજરાત પર મેઘરાજાની 'ભારે' કૃપા, સૌરાષ્ટ્ર અને કચ્છમાં વરસાદ બોલાવશે ધબધબાટી

ગુજરાત રાજ્યમાં આગામી 3 દિવસ દરમિયાન વરસાદનું જોર વધવાની અનેક વિસ્તારોમાં ભારે વરસાદ થવાની સંભાવના છે. હવામાન વિભાગના જણાવ્યા મુજબ, આજે, સૌરાષ્ટ્ર અને કચ્છના ભાગોમાં ભારે વરસાદની આગાહી કરવામાં આવી છે, જ્યારે રાજ્યના અન્ય વિસ્તારોમાં હળવાથી મધ્યમ વરસાદી ઝાપટાં પડવાની શક્યતા છે. ખાસ કરીને, હવામાનની આ સ્થિતિ અપર એર સાયક્લોનિક સર્ક્યુલેશન અને વરસાદી ટ્રફ પસાર થવાને કારણે સર્જાઈ છે, જેના પરિણામે સૌરાષ્ટ્ર-કચ્છના દરિયાકાંઠાના વિસ્તારોમાં વધુ વરસાદ જોવા મળશે.

સૌરાષ્ટ્ર-કચ્છમાં વરસાદનું વધતું જોર

આવતીકાલથી રાજ્યમાં વરસાદનું જોર વધુ વધવાની સંભાવના વ્યક્ત કરવામાં આવી છે. આમાં, સૌરાષ્ટ્રના કેટલાક જિલ્લાઓ જેમ કે દ્વારકા, રાજકોટ, જુનાગઢ, પોરબંદર અને ગીર સોમનાથ માં ભારે વરસાદ પડવાની આગાહી છે. જ્યારે, કચ્છ, જામનગર અને અમરેલી જેવા વિસ્તારોમાં હળવા વરસાદની સંભાવના છે. આ ભારે વરસાદને પગલે તંત્ર દ્વારા સાવચેતીના પગલાં લેવામાં આવી રહ્યા છે અને લોકોને સુરક્ષિત રહેવા માટે અપીલ કરવામાં આવી છે.

માછીમારો માટે ચેતવણી અને સાવચેતીનાં પગલાં

વરસાદની સંભાવના અને દરિયામાં સર્જાયેલી અસ્થિરતાને ધ્યાનમાં રાખીને, હવામાન વિભાગ દ્વારા માછીમારોને ખાસ સૂચના આપવામાં આવી છે. માછીમારોને આગામી દિવસોમાં દરિયો ન ખેડવા માટે સ્પષ્ટ સૂચના આપી દેવાઈ છે, જેથી દરિયામાં કોઈ અનિચ્છનીય ઘટના ન બને. નાગરિકોને પણ વિનંતી કરવામાં આવે છે કે હવામાન સંબંધિત અપડેટ્સ પર ધ્યાન આપે અને જરૂર પૂરતું જ ઘરની બહાર નીકળે. આ વરસાદી માહોલ ખેડૂતો માટે રાહતરૂપ સાબિત થઈ શકે છે, પરંતુ શહેરી વિસ્તારોમાં પાણી ભરાવાની સમસ્યા પણ સર્જી શકે છે.