Weather : રાજયમાં 7 દિવસ સામાન્યથી મધ્યમ વરસાદની આગાહી, જાણો કેવું રહેશે વાતાવરણ

રાજ્યમાં 7 દિવસ સામાન્યથી મધ્યમ વરસાદની આગાહી હવામાન વિભાગે કરી છે, કેટલાક જિલ્લાઓમાં ગાજવીજ સાથે વરસાદની આગાહી કરવામાં આવી છે, સાબરકાંઠા, અરવલ્લી, પંચમહાલ, દાહોદમાં વરસાદને લઈ યલો એલર્ટ આપવામાં આવ્યું છે, તો મહીસાગર, છોટાઉદેપુર, ડાંગમાં વરસાદનું યલો એલર્ટ આપવામાં આવ્યું છે.

આ જિલ્લામાં વરસાદની આગાહી કરાઈ

હવામાન વિભાગે નર્મદા, તાપીમાં યલો એલર્ટ સાથે વરસાદની આગાહી કરી છે, અમદાવાદ, ગાંધીનગરમાં ગાજવીજ સાથે ઝાપટા પડશે અને વડોદરામાં પણ ગાજવીજ સાથે વરસાદી ઝાપટા પડી શકે છે, વરસાદની લો પ્રેશર સિસ્ટમ અને સાયક્લોનિક સર્ક્યુલેશન સક્રિય થઈ છે, તો ગુજરાતમાં આ અઠવાડીયામાં ભારે વરસાદની આગાહી કરવામાં આવી નથી.

અન્ય રાજ્યોમાં કેવી છે વરસાદની સ્થિતિ?

IMDની આગાહી મુજબ 21 જુલાઈએ જમ્મુ અને કાશ્મીર, હિમાચલ પ્રદેશ, ઉત્તરાખંડ, પૂર્વી ઉત્તર પ્રદેશ, પંજાબ, હરિયાણા, પશ્ચિમી ઉત્તર પ્રદેશમાં વિવિધ સ્થળોએ ભારે વરસાદની ચેતવણી આપવામાં આવી છે. 17 જુલાઈ સુધી રાજસ્થાનમાં ભારે વરસાદની શક્યતા છે. આ ઉપરાંત, 17 જુલાઈથી 21 જુલાઈ સુધી ઉત્તરાખંડમાં, 17 જુલાઈએ પૂર્વી ઉત્તર પ્રદેશમાં ખૂબ જ ભારે વરસાદની શક્યતા છે. હવામાન વિભાગ અનુસાર, આગામી 7 દિવસ સુધી પશ્ચિમી હિમાલય ક્ષેત્ર અને મેદાનોમાં ઘણી જગ્યાએ વાવાઝોડા અને વીજળી પડવાની સાથે હળવાથી મધ્યમ વરસાદની શક્યતા છે.

207 ડેમમાં 55.64 ટકા જળસંગ્રહ

રાજ્યના જળાશયોની વાત કરીએ તો 207 ડેમમાં 55.64 ટકા પાણીનો જથ્થો છે. સરદાર સરોવરમાં હાલમાં 50.99 ટકા પાણીનો જથ્થો ઉપલબ્ધ છે. ઝોન વાઈઝ સ્થિતિની વાત કરીએ તો, ઉત્તર ગુજરાતમા 15 ડેમમાં 48.78, મધ્ય ગુજરાતના 17 ડેમમાં 63.05, દક્ષિણ ગુજરાતના 13 ડેમમાં 57.98, કચ્છના 20 ડેમમાં 55.91, સૌરાષ્ટ્રના 141 ડેમમાં 63.22 ટકા પાણીનો જથ્થો છે. રાજ્યમાં મધ્ય ઝોનમાં બે, સાઉથમાં બે, કચ્છમાં પાંચ, સૌરાષ્ટ્રમાં 16 ડેમ સંપૂર્ણ પણે છલકાઈ ગયાં છે.