Vigilance Commission Report: ACBની ઘોર નિષ્ફળતા! રિપોર્ટમાં ચોંકાવનારા ખુલાસા

ગુજરાતમાં ભ્રષ્ટાચાર વિરુદ્ધ કામ કરતી એન્ટી કરપ્શન બ્યુરોની કામગીરી સામે તકેદારી આયોગના તાજેતરના રિપોર્ટે ગંભીર સવાલો ઊભા કર્યા છે. વિધાનસભા ગૃહમાં રજૂ કરવામાં આવેલા આંકડાઓ મુજબ, છેલ્લા 6 વર્ષમાં કોર્ટમાં ચાલતા લાખો-કરોડોના ભ્રષ્ટાચારના કેસોમાં એસીબીનું કન્વીક્શન રેટ (ગુના સાબિત કરાવવાનો દર) અત્યંત નબળો રહ્યો છે, જે ચિંતાનો વિષય બન્યો છે.

કોર્ટમાં 536માંથી 351 કેસ સાબિત ન થઈ શક્યા

રિપોર્ટ અનુસાર, છેલ્લા 6 વર્ષમાં કોર્ટમાં ચાલતા કુલ 536 કેસો પૈકી 351 કેસો કોર્ટમાં સાબિત જ ન થઈ શક્યા, જ્યારે એસીબી માત્ર 185 કેસ જ કોર્ટમાં સાબિત કરી શકી છે. આ ઉપરાંત 8 કેસોમાં આરોપીઓને ડિસ્ચાર્જ પણ કરવામાં આવ્યા છે, જે તપાસ એજન્સીની કામગીરી પર મોટો પ્રશ્નાર્થ ચિહ્ન મૂકે છે.

6 વર્ષમાં સફળ અને નિષ્ફળ ટ્રેપના આંકડા

વિધાનસભામાં રજૂ થયેલા આંકડાઓ મુજબ રાજ્યમાં ટ્રેપની સંખ્યા અને તેની સફળતા-નિષ્ફળતાની વિગતો...

કુલ 6 વર્ષમાં 1047 સફળ ટ્રેપ થઈ છે, જ્યારે તેની સામે 739 ટ્રેપ નિષ્ફળ રહી છે.

વર્ષ વાર સફળ અને નિષ્ફળ ટ્રેપના આંકડા

2020: સફળ કેસ - 145 | નિષ્ફળ કેસ - 107

2021: સફળ કેસ - 138 | નિષ્ફળ કેસ - 124

2022: સફળ કેસ - 168 | નિષ્ફળ કેસ - 75

2023: સફળ કેસ - 194 | નિષ્ફળ કેસ - 113

2024: સફળ કેસ - 209 | નિષ્ફળ કેસ - 147

2025: સફળ કેસ - 193 | નિષ્ફળ કેસ - 173

વર્ષ 2024 અને 2025ના ભ્રષ્ટાચારના કેસોની વિગત

વર્ષ 2024: એસીબીએ 349 આરોપીઓ સામે કેસ દાખલ કર્યા હતા. જેમાં વર્ગ-1 ના 17 કર્મચારીઓ, વર્ગ-2 ના 39, વર્ગ-3 ના 136, વર્ગ-4 ના 6 અને 151 ખાનગી આરોપીઓ સામે ગુના નોંધાયા હતા. કુલ 231 ગુનાઓ પૈકી 186 ટ્રેપ, 23 ડીકોય, 12 આવક કરતા વધુ સંપત્તિ અને 10 અન્ય કેસો સામેલ હતા.

વર્ષ 2025: એસીબીએ 310 આરોપીઓ સામે કેસ દાખલ કર્યા હતા. જેમાં વર્ગ-1 ના 13 કર્મચારીઓ, વર્ગ-2 ના 35, વર્ગ-3 ના 134, વર્ગ-4 ના 5 અને 123 ખાનગી આરોપીઓ સામે કાર્યવાહી થઈ હતી. કુલ 213 ગુનાઓ પૈકી 174 ટ્રેપ, 19 ડીકોય, 16 આવક કરતા વધુ સંપત્તિ અને 4 અન્ય કેસો નોંધાયા હતા.

ચાર્જશીટ અને કોર્ટમાં કેસ સાબિત થવાની સ્થિતિ

છેલ્લા 6 વર્ષમાં એસીબી દ્વારા દાખલ કરાયેલ ચાર્જશીટ અને કોર્ટમાં ગુના સાબિત થયા કે નહીં તેના ચોંકાવનારા આંકડા નીચે મુજબ છે:

આ આંકડાઓ સ્પષ્ટપણે દર્શાવે છે કે એસીબી ભ્રષ્ટાચારના કેસો પકડવામાં ભલે સક્રિય દેખાતી હોય, પરંતુ કાનૂની લડાઈ અને પુરાવા સાબિત કરવામાં મોટાપાયે કાચી પડી રહી છે.

આ પણ વાંચો: Gandhinagar News: આરોગ્ય સાથે ખુલ્લે આમ ચેડા! પામોલીન તેલ અને કેમિકલથી બનતી શંકાસ્પદ ઘીની ફેક્ટરી ઝડપાઈ