Vadodaraના બાજવામાં પાણીની ટાંકીના સળિયા દેખાયવા લાગ્યા, જર્જરીતથી ટાંકીથી લોકોમાં ભયનો માહોલ

વડોદરામાં પાણીને લઈને કકળાટ યથાવત જોવા મળ્યો. અગાઉ પીવાના પાણીની સમસ્યાને લઈને લોકો ત્રાહિમામ હતા. જ્યારે હાલમાં પાણીની ટાંકી જર્જરીત હોવાથી લોકોમાં ભયનો માહોલ જોવા મળ્યો. બાજવા ગામમાં પાણીની ટાંકીના સળિયા દેખાવા લાગ્યા છે. ટાંકીમાંથી 24 કલાકછી પાણી સતત લીકેજ થઈ રહ્યું છે. જર્જરીત પાણીની ટાંકીના કારણો જોખમ તોળાતું હોવાને લઈને તંત્રને જાણ કરવામાં આવી છતાં કોઈપણ ફરકયું નથી તેવો સ્થાનિકો દ્વારા આક્ષેપ કરવામાં આવ્યો.

જર્જરીત પાણીની ટાંકીથી લોકોમાં ભય

શહેરમાં ઉત્તર પશ્ચિમ વિસ્તારમાં આવેલ બાજવા ગામમાં જર્જરીત પાણીની ટાંકી 15 વર્ષ પહેલા બનાવવામાં આવી છે. લાંબા સમયથી પાણીની ટાંકીમાંથી લીકેજની સમસ્યા છે. ટાંકીમાંથી પાણી લીક થતા સળિયા દેખાવા લાગ્યા અને પ્લાસ્ટર પણ ખરી પડ્યું છે. છેલ્લા 24 કલાકથી પાણીની ટાંકીમાંથી સતત પાણી લીક થવાના કારણે ગમે ત્યારે મોટી દુર્ઘટના સર્જાઈ શકે છે. આ અંગે સ્થાનિકો દ્વારા વારંવાર રજૂઆત કરવામાં આવી છતાં કોઈ પરિણામ મળ્યું નથી. ગમે ત્યારે ટાંકી ધરાશયી થાય તેવી ભીતિને પગલે પાસેના મકાનમાં આવેલ આંગણવાડી ખસેડવાની સ્થિતિ સર્જાઈ.

બાજવા ગામના રહીશોની ફરિયાદ

ભાડાના મકાન આંગણવાડી ચાલે છે. જેમાં અનેક બાળકો આવતા હોય છે. જર્જરિત થયેલી ટાંકી ના કારણે નજીકની આંગણવાડીને પણ કમ્પાઉન્ડ વોલ બનાવીને બાળકોને સુરક્ષિત કરવામાં આવ્યા છે. બાળકો અને ત્યાં આવતા શિક્ષકોની સલામતીને લઈને આ નિર્ણય કરાયો. ઉલ્લેખનીય છે કે અનેક વખત રાજ્યમાં પાણીની ટાંકી ધરાશાયી થવાની ઘટના સામે આવતી હોય છે. નબળા બાંધકામ અને જર્જરીત સ્થિતિના કારણે પાણીની ટાંકી ધરાશાયી થતા મોટું નુકસાન થાય છે. કયારેક જાનહાનિ થયાની ઘટના પણ બને છે. બાજવા ગામના રહીશોએ ફરિયાદ કરી કે જર્જરીત પાણીની ટાંકીને લઈને તંત્રને વારંવાર રજૂઆત કરવા છતાં અત્યાર સુધી કોઈપણ અધિકારી તપાસ કરવા શુદ્ધા આવ્યા નથી.