USAથી ડીપોર્ટ કરાયેલા વધુ 33 ગુજરાતીઓ અમદાવાદ એરપોર્ટ પર પહોંચ્યા

અમેરિકાથી ડિપોર્ટ કરાયેલ વધુ ભારતીયોની વતન વાપસી થઈ છે,અમેરિકાથી અમૃતસર અને અમૃતસરથી અમદાવાદ એરપોર્ટ પર ગેરકાયદેસર રીતે અમેરિકા ગયેલા લોકો પરત ફર્યા છે,ત્રીજા તબક્કામાં 33 ગુજરાતીઓ પરત ફર્યા છે,ગઈકાલે પણ બીજી ફલાઈટ અમૃતસરથી અમદાવાદ આવી હતી જેમાં કુલ 8 ગુજરાતીઓ આવ્યા હતા.

સૌથી પહેલી ફલાઈટમાં 33 ગુજરાતીઓ આવ્યા હતા

આ પહેલા અમેરિકાએ ગયા સપ્તાહે 104 ગેરકાયદે વસાહતીઓને ભારત પરત મોકલ્યા હતા. તેમા ગુજરાત અને હરિયાણાના 33-33 અને પંજાબના 30 હતા. પંજાબ અને બીજા કેટલાય રાજ્યના લોકો ડંકી રુટે અમેરિકામાં ઘૂસ્યા હતા.ભારત આવવા 119 ગેરકાયદે વસાહતીઓને લઈને ઉપડેલી ફ્લાઇટ્સે પનામામાં રોકાણ કર્યુ હતું. પનામામાં કોઈ બીજા દેશના ગેરકાયદે વસાહતીઓને લઈને ઉતરેલી આ પ્રથમ ફ્લાઇટ હતી. પનામાએ અમેરિકાને ગેરકાયદે વસાહતીઓને મોકલવા માટે સ્ટોપઓવર તરીકેની ઓફર કરી હતી. તેમા ભારત આવનારી ફ્લાઇટ સૌપ્રથમ હતી.

કઈ ફ્લાઈટમાં કેટલા ગુજરાતીઓ આવ્યા

પહેલી ફ્લાઈટ - 37 ગુજરાતી

બીજી ફ્લાઈટ - 8 ગુજરાતી

ત્રીજી ફ્લાઈટ - 33 ગુજરાતી

કયા રાજ્યના કેટલા લોકો?

દેશનિકાલ કરાયેલા લોકોમાંથી ૧૦૦ લોકો ફક્ત પંજાબ અને હરિયાણાના છે. આમાંથી 67 પંજાબના, 33 હરિયાણાના, આઠ ગુજરાતના, ત્રણ ઉત્તર પ્રદેશના, બે ગોવા, મહારાષ્ટ્ર અને રાજસ્થાનના છે. તે જ સમયે, હિમાચલ પ્રદેશ અને જમ્મુ અને કાશ્મીરના એક-એક નાગરિક છે. સૂત્રોએ જણાવ્યું હતું કે ગેરકાયદેસર ભારતીય ઇમિગ્રન્ટ્સના બીજા જૂથમાં ચાર મહિલાઓ અને બે સગીરોનો સમાવેશ થાય છે, જેમાં છ વર્ષની એક છોકરીનો પણ સમાવેશ થાય છે.