Surendranagar: સાયલા હાઈવે પર રિક્ષા અને ટ્રક વચ્ચે અકસ્માત, 2 લોકોના મોત

સુરેન્દ્રનગરના સાયલા હાઈવે પર મોટો અકસ્માત સર્જાયો છે. શટલ રિક્ષા અને આયશર ટ્રક વચ્ચે ગંભીર અકસ્માત સર્જાયો હતો. જેમાં બે લોકોના મોત થયા છે અને અન્ય 3 લોકો ઈજાગ્રસ્ત થયા છે.અકસ્માતમાં અઢી માસના બાળક અને યુવતીનું મોત સાયલા હાઈવે પર મોડેલ સ્કૂલ સામે અક્સ્માત સર્જાયો છે. જેમાં બે લોકોના મોત થયા છે અને ત્રણ લોકો ઈજાગ્રસ્ત થયા છે. શટલ રિક્ષા આયશર ટ્રક પાછળ ઘૂસી જતાં અક્સ્માત સર્જાયો હતો. અકસ્માતમાં અઢી માસના બાળક અને યુવતીનું મોત થયું છે, ત્યારે ઈજાગ્રસ્તોમાં બે લોકોની હાલત ગંભીર હોવાનું જણાવવામાં આવી રહ્યું છે, ત્યારે ત્રણેય ઈજાગ્રસ્તોને સારવાર માટે સુરેન્દ્રનગરની હોસ્પિટલમાં ખસેડાયા છે. વડોદરાના વાઘોડિયામાં ડમ્પરચાલકે બાઇકચાલકનો જીવ લીધો વડોદરામાં પણ આજે અકસ્માતની ઘટના બની હતી. વાઘોડિયા વિસ્તારમાં ડમ્પરચાલકે બાઈકચાલકનો જીવ લીધો હતો. ડમ્પર ચાલકે બાઈકચાલકને અટફેટે લેતા બાઈકચાલક 100 ફૂટ જેટલો ઢસડાઈ ગયો હતો અને ઘટનાસ્થળે જ જીવ ગુમાવ્યો હતો. વાઘોડિયાના ખેરવાડી રોડ પર અકસ્માત સર્જાયો હતો. અકસ્માત બાદ ચાલક ડમ્પર મૂકીને ફરાર થઈ ગયો હતો, ત્યારે હાલમાં તેની શોધખોળ ચાલી રહી છે. ખંભાતમાં ST બસચાલકની ગંભીર બેદરકારી સામે આવી બીજી તરફ આણંદના ખંભાતમાં ST બસચાલકની ગંભીર બેદરકારી સામે આવી હતી. બસ સ્ટેન્ડમાં બસ ચાલકે 2 મહિલાને અડફેટે લીધી હતી અને બંને મહિલા ઘાયલ થઈ હતી. ત્યારે ઘાયલ બે મહિલાઓ પૈકી એક મહિલા ગર્ભવતી પણ હતી. પાંદડની બંને મહિલાઓ દવા લેવા માટે આવી હતી, ત્યારે બસ ચાલકે અટફેડે લેતા બંને ઘાયલ મહિલાઓને હોસ્પિટલમાં ખસેડાઈ હતી. ગાંધીનગરના માણસાના આજોલ ગામે હિટ એન્ડ રન ગાંધીનગરના માણસાના આજોલ ગામે હિટ એન્ડ રનની ઘટના સામે આવી હતી. વાનની અડફેટે બાઈક ચાલકનું ઘટનાસ્થળે જ મોત થયું હતું. આજોલથી લોદરા ગામે જતા રોડ પર અકસ્માત સર્જાયો હતો અને વાનચાલક અકસ્માત સર્જી ઘટનાસ્થળેથી ફરાર થઈ ગયો હતો. આ સમગ્ર મામલે પોલીસે વધુ તપાસ હાથ ધરી છે.