Surendranagar: ભોગાવો નદીમાં નહાવા પડેલા સગા ભાઇ-બહેનના ડૂબી જવાથી મોત

સુરેન્દ્રનગરમાં ડૂબી જવાથી સગા ભાઇ-બહેનના મોત થયાના સમાચાર સામે આવ્યા છે. ભોગાવો નદીમાં સગા ભાઇ-બહેન ન્હાવા ગયા ત્યારે ડૂબી જવાથી મોત થયા છે. ફાયર બ્રિગેડે બન્નેના મૃતદેહ નદીમાંથી બહાર કાઢ્યા છે. પોલીસે ઘટનાસ્થળે પહોંચી વધુ તપાસ હાથ ધરી છે. 

રાજ્યમાં નદી-તળાવમાં ડૂબવાની ઘટનાઓ વારંવાર ઘટી રહી છે. જેમાં મોત નિપજવાનો આંકડો પણ ચોંકાવનારો છે. ત્યારે તાજેતરમાં સુરેન્દ્ર નગરમાં આવી ઘટના સામે આવી હતી. મળતી માહિતી મુજબ સુરેન્દ્રનગરમાં ભોગાવો નદીમાંથી ભાઈ-બહેનના મૃતદેહ મળ્યા હતા. ભાઈ-બહેન ભોગાવો નદીમાં નહાવા માટે ગયા હતા. તે ટાણે કોઇ કારણોસર ભાઇ અને બહેન એકસાથે નદીમાં ડૂબી ગયા હતા.

આ ઘટનાની જાણ આસપાસના લોકોને થતા તેઓએ ફાયર બ્રિગેડ અને પોલીસનો સંપર્ક સાધ્યો હતો. જે બાદ ફાયબ્રિગેડની ટીમે ઘટના સ્થળે પહોંચીને મૃતદેહને બહાર કાઢ્યા હતા. તથા બીજી તરફ પોલીસ ઘટના સ્થળે પહોંચીને તપાસ શરૂ કરી હતી. ત્યારે એક જ પરિવારના ભાઇ બહેનનું નદીમાં ડૂબીને મૃત્યુ થતા પરિવારમાં શોકનો માહોલ ફેલાયો હતો. તથા પોલીસ દ્વારા મૃતદેહોને સરકારી હોસ્પિટલમાં PM કાર્યવાહી માટે મોકલી આપવામાં આવ્યા છે.