Surat: માંડવીના મુજલાવ ગામે દીપડાના આંટાફેરા, સ્થાનિકોમાં ભયનો માહોલ

સુરત જિલ્લામાં માંડવીના મુજલાવ ગામે દીપડાનો આતંક યથાવત્ છે. માંડવીના મુજલાવ ગામે શિકાર કરવા આવેલો દીપડાના આંટાફેરાનો વીડિયો CCTV ફૂટેજમાં કેદ થયો છે. અવાર-નવાર શિકાર કરવા આવેલો દીપડાના આંટાફેરાને લઈ મુજલાવના સ્થાનિકોમાં ફફડાટ ફેલાયો છે.મળતી માહિતી મુજબ, સુરત જિલ્લામાં દીપડાનો આતંક યથાવત યથાવત છે. માંડવીના મુજલાવ ગામે રાત્રે દીપડાના આંટા ફેરાથી ગામમાં ભઈનો માહોલ સર્જાયો હતો. મુજલાવ ગામે અહમદ કુંવાડિયાના ઘરના વાડામાં મરઘાંનો શિકાર કરવા આવેલ દીપડો CCTV ફૂટેજમાં કેમેરામાં કેદ થયા છે. દીપડાની દહેસ્તને લઇ ખેતમાંજુરોમાં ભયનો માહોલ જોવા મળી રહ્યો છે. દીપડાને પકડવા માટે માંડવી વન વિભાગને જાણ કરાઈ છે. વન વિભાગની ટિમ દ્વારા મુજલાવ ગામે દીપડાને પકડવા પાંજરું મુકવામાં આવ્યું છે.દીપડો માસૂમ બાળકને ઉઠાવી ગયાની અનેક ઘટનાથોડા દિવસ અગાઉ સુરત જિલ્લાના માંડવી તાલુકામાં આવેલા ઉશ્કેર ગામે શેરડી કાપણી કરવા માટે મહારાષ્ટ્રથી એક શ્રમજીવી પરિવાર આવ્યો હતો. દરમિયાન, ગામની સીમમાં નાખેલા પડાવની બહાર બાળક રમતું હતું તે સમયે એક દીપડો ત્યાં આવ્યો હતો અને અચાનક હુમલો કરી માસૂમને ઉઠાવી ગયો હતો. આ ઘટનાની જાણ થતાં બાળકનાં પરિવાર સહિત ગ્રામજનો બાળકની શોધમાં નીકળ્યા હતા. જો કે, નજીકમાં ખેતરમાં પહોંચતા લોકોની ભીડને જોઈ દીપડો માસૂમ બાળકનાં મૃતદેહને મૂકીને ભાગી ગયો હતો. આ હચમચાવતી ઘટના અંગે ગ્રામજનોએ માંડવીનાં વન વિભાગને જાણ કરી હતી. આથી, વન વિભાગની ટીમ ઘટના સ્થળે પહોંચી હતી અને માનવભક્ષી દીપડાને પકડવા માટે કવાયત હાથ ધરી હતી. મૃતક બાળકની ઉંમર 7 વર્ષ હોવાનું સામે આવ્યું  હતું.