Surat News: લાંચના ગુનાનો ફરાર આરોપી પત્રકાર મહંમદ ઇસ્માઇલ પઠાણ ઝડપ્યો

સુરત ACB પોલીસે એક મોટી કાર્યવાહી હાથ ધરીને લાંચના ગુનામાં લાંબા સમયથી ફરાર રહેલા પત્રકાર મહંમદ ઇસ્લામ પઠાણની ધરપકડ કરી છે.સુરત મહાનગરપાલિકાના અધિકારી સાથે મળીને લાખો રૂપિયાની તોડબાજી કરવાના આ હાઈપ્રોફાઈલ કેસમાં પત્રકાર વિરુદ્ધ ગુનો નોંધાયા બાદ તે નાસતો ફરતો હતો, જેને આખરે એસીબીની ટીમે દબોચી લીધો છે.

મનપાના કાર્યપાલક ઇજનેર સાથે મળીને રચ્યું હતું કાવતરું

આ ચકચારી કેસની વિગત એવી છે કે,ગત 20 ફેબ્રુઆરી 2026ના રોજ સુરત મનપાના કાર્યપાલક ઇજનેર વિપુલ ગણેશવાલા 4 લાખની લાંચ લેતા એસીબીના હાથે રંગેહાથ ઝડપાઈ ગયા હતા.આ ગુનાની તપાસ દરમિયાન સામે આવ્યું હતું કે, ફરિયાદીનું ગેરકાયદેસર બાંધકામ ન તોડવા માટે મનપા અધિકારી વિપુલ ગણેશવાલા અને પત્રકાર મહંમદ ઇસ્માઇલ ઉર્ફે પરવાના જમીલખાન પઠાણ વચ્ચે મિલીભગત રચાઈ હતી.આ બંનેના મેળાપીપળામાં ફરિયાદી પાસે બાંધકામ બચાવવાના અવેજ પેટે કુલ ₹૧૫ લાખની મસમોટી લાંચની માંગણી કરવામાં આવી હતી.

પાંચ મહિનાથી ફરાર આરોપી પત્રકાર આખરે જેલભેગો

ફેબ્રુઆરી મહિનામાં જ્યારે એસીબીએ ટ્રેપ ગોઠવીને મનપા ઇજનેરને ઝડપી પાડ્યા,તે જ સમયે પત્રકાર મહંમદ ઇસ્માઇલ ઉર્ફે પરવાના પોલીસને થાપ આપીને ફરાર થઈ ગયો હતો.પોલીસ ત્યારથી જ તેની સઘન શોધખોળ કરી રહી હતી.આખરે એસીબી પોલીસે ચોક્કસ બાતમીના આધારે વોચ ગોઠવીને ફરાર પત્રકારની ધરપકડ કરી લીધી છે અને આ મનપા-પત્રકારની નેક્સસમાં અન્ય કોઈ લોકો સામેલ છે કે કેમ તે દિશામાં આગળની કાયદેસરની તપાસ હાથ ધરી છે.

આ પણ વાંચોઃ Ahmedabad News: આજે મધરાતથી રથયાત્રા પૂર્ણ ન થાય ત્યાં સુધી ટ્રાફિક પ્રતિબંધ અમલમાં, જાણો વૈકલ્પિક માર્ગ