Surat: રેલ્વે પોલીસે 13 વર્ષની દીકરી સાથે દુષ્કર્મના આરોપીને ઉત્તરપ્રદેશથી ઝડપી પાડ્યો

સુરતમાં બાળકી સાથે દુષ્કર્મ કરનાર આરોપી ઝડપાયો છે. આરોપી રવિશંકર ઠાકુરની ઉત્તરપ્રદેશમાંથી ધરપકડ કરવામાં આવી છે. બાળકી અને આરોપી સુરતમાં છૂટક મજૂરી કરતા હતા. રેલવે સ્ટેશને મજૂરી કરતા એકબીજાના સંપર્કમાં આવ્યા હતા. મિત્રતાનો ફાયદો ઉઠાવી આરોપીએ દુષ્કર્મ આચર્યું હતું. રાત્રિ દરમિયાન ઝાડી ઝાંખરામાં લઈ જઈ દુષ્કર્મ આચર્યું હતું. રેલવે પોલીસ સ્ટેશનમાં આરોપી વિરુદ્ધ ફરિયાદ નોંધાઇ હતી.

સુરતમાં બાળકી સાથે દુષ્કર્મ કરનાર આરોપી ઝડપાયો

સુરત રેલ્વે સ્ટેશન પાસે આવેલ પોસ્ટ ઓફિસ પાસે 13 વર્ષની દીકરી સાથે દુષ્કર્મની ઘટના સામે આવી છે. સુરત રેલ્વે પોલીસે દુષ્કર્મ કરનાર આરોપી રવિશંકર નગીનદર ઠાકુરને ઉત્તરપ્રદેશના ભદોહી જિલ્લામાંથી ઝડપી પાડ્યો છે. આ બનાવમાં ફરિયાદી દીકરી સોનગઢ ખાતેથી રહેતી હતી. માતા-પિતા સાથે ઝઘડો થયા બાદ ફરિયાદી દીકરી સુરત ભાગી આવી હતી. ફરિયાદી દીકરી અને આરોપી બંને રેલ્વે સ્ટેશન ઉપર છૂટક મજૂરી કામ કરતા હતા.

13 વર્ષની દીકરી સાથે દુષ્કર્મ આચર્યું

તે દરમિયાન બંને એકબીજાના સંપર્કમાં આવ્યા હતા અને બંને વચ્ચે મિત્રતા બંધાઈ હતી. પરંતુ આરોપી મિત્રતાનો ફાયદો લઈ ફરિયાદી દીકરીને રેલવે સ્ટેશનના પોસ્ટ, ઓફિસ પાસે રાત્રિ દરમિયાન ઝાડી ઝાંખરામાં લઈ જઈ દુષ્કર્મ આચર્યું હતું. જે જુલાઈથી ઓગસ્ટ મહિનામાં ઘણી વખત આરોપીએ દીકરી સાથે દુષ્કર્મ આચર્યું હતું. જે મામલે દીકરીએ પરિવાર સાથે બે દિવસ પહેલા રેલવે પોલીસ સ્ટેશનમાં આરોપી વિરુદ્ધ ફરિયાદ નોંધાવી હતી. હાલ આરોપીને ઝડપી આગળની કાર્યવાહી હાથ ધરવામાં આવી છે.