Savarkundlaમાં વિવિધ વિકાસકાર્યોની CMના હસ્તે ભેટ, નાવલી રિવરફ્રન્ટ અને ગટર યોજના-2નું ખાતમુહૂર્ત

ગુજરાતના CM ભૂપેન્દ્ર પટેલ અમરેલી જિલ્લાના પ્રવાસે આવ્યા છે. સાવરકુંડલામાં વિવિધ વિકાસકાર્યોની CMના હસ્તે ભેટ આપવામાં આવી છે. નાવલી રિવરફ્રન્ટ અને ગટર યોજના 2નું CMના હસ્તે ખાતમુહૂર્ત કરવામાં આવ્યું છે.મળતી માહિતી મુજબ, ગુજરાતના મુખ્યમંત્રી ભુપેન્દ્ર પટેલ આજે અમરેલી જિલ્લાના સાવરકુંડલાની મુલાકાતે પહોંચ્યા છે. સાવરકુંડલામાં ભાજપના ધારાસભ્યો અને કાર્યકરોએ બાઈક રેલી યોજીને મુખ્યમંત્રીનુ ઉષ્માભેર સ્વાગત કર્યું હતું. સાવરકુંડલા ખાતે નાવલી રિવરફ્રન્ટ અને ગટર યોજના-2નુ ખાતમુહૂર્ત મુખ્યમંત્રી ભુપેન્દ્ર પટેલના હસ્તે કરવામાં આવ્યું હતું. આ કાર્યક્રમમાં અમરેલી જિલ્લાના તમામ 5ધારાસભ્યો તેમજ સાંસદ સહિતના આગેવાનો પણ ઉપસ્થિત રહ્યા હતા. સાવરકુંડલા નજીક આવેલા ' માનવ મંદિર આશ્રમ' તેમજ કાનાતળાવ ગામે આવેલા 'શિવ દરબાર આશ્રમ'ની પણ CM ભૂપેન્દ્ર પટેલ મુલાકાત લેશે. આ સાથે સાવરકુંડલા માર્કેટ યાર્ડમાં ખેડુત નેતા ' ભગવાન બાપા'ની પુર્ણ કદની પ્રતિમાનું અનાવરણ કરશે. મુખ્યમંત્રી ભુપેન્દ્ર પટેલ આ સાથે સાવરકુંડલા માર્કેટ યાર્ડ ખાતે જાહેર સભાને સંબોધન પણ કરશે.