Sabarkantha: પ્રાંતિજમાં ધોધમાર વરસાદથી નીચાણવાળા વિસ્તારમાં પાણી ભરાયા, જિલ્લામાં ભારે વરસાદની આગાહી

સાબરકાંઠાના પ્રાંતિજમાં ધોધમાર વરસાદ ખાબક્યો છે. નીચાણવાળા વિસ્તારમાં પાણી ભરાયા છે. હનુમાન મંદિર, એપ્રોચ રોડ, માતૃછાયા, નાના ભાગોળ, બાકરપુર, પીલુદરા, કમાલપુરમાં પાણી ભરાયા છે. જિલ્લામાં હવામાન વિભાગ દ્વારા ભારે વરસાદની આગી કરી છે. બજાર વિસ્તારમાં પાણી ભરાતા અનેક વાહનચાલકોને પરેશાન થયા છે.

પ્રાંતિજમાં ધોધમાર વરસાદ 

હનુમાન મંદિરમાં અવારનવાર વરસાદી પાણી ભરાતા ભકતો સહિત સ્થાનિકોનોને હાલાકી પડે છે. પ્રાંતિજના બાકરપુર, પીલુદરા, કમાલપુર, વડવાસા, પોગલુ પલ્લાચર સહિતના ગામોમાં વરસાદ નોંધાયો છે. સતત મેઘરાજાએ ધમાકેદાર બેટિંગ કરતા પ્રાંતિજ સહિત વિસ્તારમાં પાણી પાણી થયું છે. એક કલાકમા એક ઇચ વરસાદ ખાબક્યો છે.

સાબરકાંઠા અત્યંત ભારે વરસાદને લઈ રેડ એલર્ટ

હવામાન વિભાગની આગાહી પ્રમાણે વાત કરીએ તો બનાસકાંઠા, સાબરકાંઠા, મહેસાણા, અરવલ્લી, સુરેન્દ્રનગરમાં અત્યંત ભારે વરસાદને લઈ રેડ એલર્ટ આપવામાં આવ્યું છે તો બીજી તરફ પાટણ, મોરબી, રાજકોટ, બોટાદ, ગાંધીનગર, ખેડા, મહીસાગરમાં અતિભારે વરસાદને લઈ ઓરેન્જ એલર્ટ આપવામાં આવ્યું છે, તો અમદાવાદ અને અન્ય જિલ્લાઓમાં ભારે વરસાદનું યલો એલર્ટ આપવામાં આવ્યું છે.