RPFએ CCTV ફૂટેજની મદદથી ભાવનગર-આસનસોલ ટ્રેનમાં મુસાફરનો મોબાઈલ ફોન ચોરનાર વ્યક્તિને ઝડપ્યો

ભાવનગર-આસનસોલ સાપ્તાહિક સુપરફાસ્ટ ટ્રેન (12941) ના મુસાફરે RPF પોસ્ટ ભાવનગર ટર્મિનસને વેઇટિંગ રૂમમાંથી મોબાઈલ ફોનની ચોરી થવા અંગે ફરિયાદ નોંધાઈ હતી.મુસાફરે આઈપીએફ મહાવીર સિંહને જણાવ્યું કે તેનો મોબાઈલ ફોન ભાવનગર ટર્મિનસ રેલવે સ્ટેશન પર પુરુષોના વેઈટિંગ રૂમમાં ચાર્જ કરવા માટે લગાવવામા આવ્યો હતો અને ત્યાંથી કોઈ આ ફોનની ચોરી કરીને ગયું છે,જેતી રેલવે પોલીસે સમગ્ર ઘટનાને લઈ તપાસ હાથધરી હતી.શહેરી વિસ્તારમાંથી ઝડપાયો આરોપી ફરિયાદ મળતાં તાત્કાલિક કાર્યવાહી કરતા આઈપીએફ મહાવીર સિંહે એક ટીમ બનાવીને લેડીઝ કોન્સ્ટેબલ જ્યોતિ પરમારને સીસીટીવી ફૂટેજ તપાસવાનુ કહ્યું.સીસીટીવી ફૂટેજમાં એક શંકાસ્પદ વ્યક્તિ વેઈટિંગ રૂમમાંથી અને રેલવે સીમાથી બહાર નીકળતા જોવા મળ્યો, ત્યારે તરત જ ઉક્ત ટીમના સદસ્ય આઈપીએફ મહાવીર સિંહ, એએસઆઈ વેદ પ્રકાશ અને એએસઆઈ રામપ્રતાપ યાદવ દ્વારા શહેરના સીસીટીવી ફૂટેજની તપાસ કરવામાં આવી અને શહેરી વિસ્તાર માથી શંકાસ્પદ વ્યક્તિની ધરપકડ કરી હતી. પોલીસને મળી સફળતા સંદિગ્ધનું નામ અને સરનામું પૂછતાં તેણે પોતાનું નામ ઇદરિશ આદમભાઇ ખલીફા, ઉંમર 30 વર્ષ અને સરનામું બાથાભાઇ ચોક, કુંભારવાડા, ભાવનગર જણાવ્યું હતું. પૂછપરછ દરમિયાન તેણે ભાવનગર ટર્મિનસ રેલવે સ્ટેશનના વેઇટિંગ રૂમમાં જવાની વાત કબૂલ કરી હતી. તે વ્યક્તિ પાસેથી REDMI 5G કંપનીનો એક શંકાસ્પદ મોબાઈલ ફોન મળી આવ્યો હતો,જેના વિશે તેણે કોઈ માહિતી આપી ન હતી. ઉક્ત સંદિગ્ધ અત્યંત નશાની હાલતમાં હોવાથી તેણે મોબાઈલ અંગે કોઈ સંતોષકારક જવાબ આપ્યો ન હતો. આ વ્યક્તિને આગળની કાર્યવાહી માટે રેલવે પ્રોટેક્શન ફોર્સ (RPF) દ્વારા જીઆરપી ભાવનગરને સોંપવામાં આવ્યો હતો. મુસાફરના સંબંધીઓનો સંપર્ક કરીને તેમને મોબાઈલ ફોન સોંપવાની કાર્યવાહી કરવામાં આવી રહી છે. પોલીસે હાથધરી વધુ કાર્યવાહી સમગ્ર ઘટનામાં પોલીસે વધુ કાર્યવાહી હાથધરી છે અને અન્ય કંઈ કઈ ટ્રેનોમાંથી ફોન ચોર્યા છે તે દિશામાં તપાસ કરી છે,પોલીસે એ પણ તપાસ કરી છે કે આ આરોપી સાથે અન્ય કોઈ આરોપી કે કોઈ ગેંગ તો સંકડાયેલી નથી ને તે દિશામાં તપાસ ચાલી રહી છે.પોલીસે સીસીટીવીની મદદથી ગુનાનો ભેદ ઉકેલી નાખ્યો છે અને મુસાફરને તેનો ફોન પરત આપવામાં આવશે.