Rajkot: શહેર ભાજપ અને રામ મોકરિયા વચ્ચે આંતરિક ખટરાગે જોર પકડ્યું, સોશિયલ મીડિયા પર પેજ શેર કરી પક્ષના જ આંતરિક વિરોધીઓને નિશાને લીધા

રાજકોટમાં ભાજપના નેતાઓ વચ્ચે આંતરિક ખટરાગ ચાલી રહ્યો હોવાની અટકળોએ જોર પકડ્યું છે. એક કાર્યક્રમમાં નો એન્ટ્રી વિવાદ બાદ રામ મોકરિયા મેદાને પડ્યા છે. સાંસદ રામ મોકરિયાએ વિરોધીઓએ લીધા આડે હાથ લીધા છે. પોતાના ઉપર લખાયેલા પુસ્તકનું એક પેજ શેર કર્યું છે. RMC, સૌરાષ્ટ્ર યુનિ, પોલીસમાં ગેરવહીવટની વાત રજૂ કરી છે.

ભાજપ અને રામ મોકરિયા વિવાદ 

રાજકોટ શહેર ભાજપ અને રામ મોકરિયા વિવાદ મામલો સામે આવ્યો છે. શહેર ભાજપ દ્વારા મહાનગરપાલિકાના કાર્યક્રમમાં રામ મોકરિયાના નો એન્ટ્રી વિવાદ બાદ રામ મોકરિયા મેદાને આવ્યા છે. રામભાઈ મોકરિયાએ સોશિયલ મીડિયા ઉપર એક પેજ શેર કરી પક્ષના જ આંતરિક વિરોધીઓને નિશાને લીધા છે.

કાર્યક્રમમાં નો એન્ટ્રી વિવાદ બાદ રામ મોકરિયા મેદાને પડ્યા 

પોતાના ઉપર લખાયેલા પુસ્તકનું એક પેજ શેર કરી ભ્રષ્ટ વહીવટ અને ગેરરીતિ અંગેની પોતાની નીતિ અંગે સ્પષ્ટ અભિપ્રાય વ્યક્ત કર્યો છે. પક્ષના કાર્યકરોએ તેની વાત સંભાળવી પડે છે. રાજકોટ મહાનગરપાલિકા, સૌરાષ્ટ્ર યુનિવર્સિટી, પોલીસ, અંગેના ગેરવહીવટ અને ભ્રષ્ટાચાર મુદ્દે તેઓ મક્કમતાથી પોતાની વાત રજૂ કરે છે.