Kutch: સેફગાર્ડ ડ્યુટીની ચિંતા વચ્ચે લાઈન-પાઈપ ઉદ્યોગને બચાવવા ફોકિઆએ PMને લખ્યો પત્ર

ફેડરેશન ઓફ કચ્છ ઇન્ડસ્ટ્રીઝ એસોસિએશન (ફોકિઆ)ના એમ.ડી. નિમિશ ફાળકેએ વડાપ્રધાન નરેન્દ્ર મોદીને અપીલ કરી છે કે, એલોય અને નોન-એલોય ફ્લેટ સ્ટીલ પર તાજેતરમાં શરૂ કરાયેલી સેફગાર્ડ ડ્યુટી ઇન્વેસ્ટીગેશનમાંથી એપીઆઈ-ગ્રેડ હોટ રોલ્ડ (એચઆર) કોઇલ અને પ્લેટ્સને મુક્તિ આપો. ભારતના લાઇન પાઇપ ઉદ્યોગ અને વ્યાપક માળખાગત વિકાસ પર આવી ડ્યુટીની સંભવિત નકારાત્મક અસરને તે કેવી રીતે અસર કરશે તેના પર ફોકિઆ દ્વારા રજુઆત કરવામાં આવી છે. ડિરેક્ટોરેટ જનરલ ઓફ ટ્રેડ રેમેડીઝ (DGTR) એ 19 ડિસેમ્બર, 2024 ના રોજ સ્થાનિક સ્ટીલ ઉત્પાદકોને રક્ષણ આપવા માટે 25% સુધીની સેફગાર્ડ ડ્યુટી માટે ઇન્વેસ્ટીગેશન શરૂ કરી હતી. જો કે, ફોકિઆએ એવો સુર વ્યક્ત કર્યો હતો કે આ પગલું અજાણતા પણ ડાઉનસ્ટ્રીમ ઉદ્યોગોને નુકસાન પહોંચાડી શકે છે, ખાસ કરીને લાઈન પાઇપ ઉદ્યોગને કે જે ઉચ્ચ ગુણવત્તાની આયાત કરેલ એપીઆઈ-ગ્રેડ સ્ટીલ પર આધાર રાખે છે.  ભારતની વિકાસ યાત્રામાં મહત્વપૂર્ણ ભૂમિકાવડાપ્રધાનને પાઠવેલા પત્રમાં, ફોકિઆએ તેલ, ગેસ અને પેટ્રોલિયમના પરિવહન માટે જરૂરી, સબમર્જ આર્ક વેલ્ડેડ પાઈપોના ઉત્પાદનમાં એપીઆઈ-ગ્રેડ એચઆર કોઇલ અને પ્લેટ્સની નિર્ણાયક ભૂમિકા પર ભાર મૂક્યો હતો. આ પ્રકારના પાઇપ ભારત જલસેવા મિશન માટે પણ ઉપયોગમાં લેવાય છે. આ ઔદ્યોગિક સંગઠને ઘણી ચિંતાઓ પણ ટાંકી છે : ડાઉનસ્ટ્રીમ ઉત્પાદકોના હિતોનું રક્ષણ: ભારત સરકાર દ્વારા સ્થાનિક સ્ટીલ ઉત્પાદકોને નીતિવિષયક સપોર્ટ આપવાની વાત સમજી શકાય છે પરંતુ અહીં એટલું જ મહત્વનું છે કે, ડાઉનસ્ટ્રીમ સેકન્ડરી સ્ટીલ ઉત્પાદકો ના હિતોને પણ ધ્યાનમાં રાખવામાં આવે. ઈન્ફ્રાસ્ટ્રક્ચર ડેવલપમેન્ટ પર જોખમ: સેફગાર્ડ ડ્યુટી લાદવાથી કાચા માલનો ખર્ચ ઉંચો થઈ શકે છે, ઈન્ફ્રાસ્ટ્રક્ચર પ્રોજેક્ટ અટકી શકે છે અને ભારતના આર્થિક વિકાસની ગતિને નકારાત્મક અસર કરી શકે છે. સ્થાનિક સ્ટીલ ઉત્પાદકો દ્વારા આ પ્રકારના સ્ટીલ સપ્લાયમાં પડકારો: ભારતીય સ્ટીલ મિલોને ગુણવત્તા અને સમયસર ડિલિવરીના સંદર્ભમાં સતત એપીઆઈ-ગ્રેડ સ્ટીલનું ઉત્પાદન કરવામાં સમસ્યાનો સામનો કરવો પડે છે. ગુણવત્તા સંબંધિત અસ્વીકાર અને વિલંબિત પુરવઠાને કારણે કચ્છમાં ઉત્પાદકોએ નોંધપાત્ર પ્રોજેક્ટ વિલંબ અને પ્રતિષ્ઠાને નુકસાનનો સામનો કરવો પડ્યો છે. વૈશ્વિક સપ્લાય ચેઇન અવલંબન: ગુણવત્તા અને પુરવઠો જાળવવા માટે જાપાન અને દક્ષિણ કોરિયા જેવા ફ્રી ટ્રેડ એગ્રીમેન્ટ (એફટીએ) દેશોમાંથી આયાત મહત્વપૂર્ણ છે. કુલ સ્ટીલની આયાતમાં એપીઆઈ-ગ્રેડ સ્ટીલનો હિસ્સો નજીવો છે પરંતુ તે ડાઉનસ્ટ્રીમ ઉદ્યોગો માટે સ્પર્ધાત્મક રહેવા માટે મહત્વપૂર્ણ છે. ડ્યુટી સ્ટ્રક્ચરમાં અસંતુલન: સૂચિત 25% સેફગાર્ડ ડ્યુટી ફ્લેટ સ્ટીલ પર કુલ કસ્ટમ ડ્યુટી વધારીને 32.5% કરશે, જ્યારે ફિનિશ્ડ પાઈપો પરની આયાત ડ્યુટી 10% પર યથાવત રહેશે. આ અસંતુલન ફિનિશ્ડ પાઈપોની આયાતને પ્રોત્સાહન આપી શકે છે, સ્થાનિક ઉત્પાદકોને ઓછા કરી શકે છે અને ઊંધી ડ્યુટી માળખું બનાવી શકે છે. ભારતીય સ્ટીલ મિલ ઉત્પાદકો દ્વારા સ્ટીલની આયાત: એક રસપ્રદ વાત એ પણ ધ્યાને લેવા જેવી છે કે, જે સ્થાનિક સ્ટીલ ઉત્પાદકો આ પ્રકારની સ્ટીલની આયાત કરે છે તેમજ આયાત પર સેફગાર્ડ ડ્યુટી નાખવા માટેની માંગ કરે છે. સ્થાનિક સ્ટીલ ઉત્પાદકો દ્વારા રજુ થતી ખોટી આંકડાકીય વિગતો: સ્થાનિક સ્ટીલ ઉત્પાદકો દ્વારા જે આયાત ડેટા રજૂ કરવામાં આવ્યા છે તે ખોટા અને ગેરમાર્ગે દોરનારા છે  PUC (પ્રોડક્ટ અંડર કન્સીડેશન): પ્રોડક્ટ અંડર કન્સીડરેશન નોન-અલોય અને અલોય સ્ટીલ ફ્લેટ પ્રોડક્ટ જેવી કે, હોટ રોલ્ડ (એચઆર) કોઇલ, શીટ, પ્લેટ્સ વગેરેનો સમાવેશ કરે છે. આ પ્રકારની અને એપીઆઈ-ગ્રેડ સ્ટીલ પ્રોડક્ટ ને સમગ્ર રીતે આયાત થતા સ્ટીલ સાથે જોડી યોગ્ય નથી. ભારત વિશ્વનું અગ્રણી સ્ટીલ ઉત્પાદક: ભારત વિશ્વમાં સ્ટીલ ઉત્પાદન અને વપરાશમાં દ્વિતીય નંબર પર છે. આથી, બહુ મોટા પ્રમાણમાં મૂલ્યવર્તીત કરનારા સ્થાનિક ઉત્પાદકો માટે આયાત કરતું સ્ટીલ કુલ આયાતના ફક્ત પાંચ ટકા જેટલું જ છે. એક મહત્વનો મુદ્દો એ છે કે, સ્થાનિક એપીઆઈ-ગ્રેડ સ્ટીલ ઉત્પાદકો ની કિંમત આયાત સ્ટીલ કરતા ઘણી વધારે છે. હાલમાં સ્થાનિક પાઇપ ઉત્પાદકો તેમના ઉત્પાદનના લગભગ 75% જેટલા એપીઆઈ-ગ્રેડ પાઇપ ભારતીય સરકારને પૂરા પાડે છે. આથી એપીઆઈ-ગ્રેડ સ્ટીલ પર સેફગાર્ડ ડ્યુટી લાદવામાં આવે તો ગવર્મેન્ટ ને સપ્લાય થતા ઉત્પાદનોની કિંમત ઘણી વધી જાય અને ગુણવત્તા પર અસર પડે. સરકારને ફોકિઆની ભલામણોફોકિયાએ વડાપ્રધાનને નીચે મુજબના પગલાની વિનંતી કરી છે: એપીઆઈ-ગ્રેડ એચઆર કોઇલ અને પ્લેટ્સને સેફગાર્ડ ડ્યુટી માંથી મુક્તિ આપો: ડાઉનસ્ટ્રીમ ઇન્ડસ્ટ્રીઝનું રક્ષણ કરવા અને ઇન્ફ્રાસ્ટ્રક્ચર પ્રોજેક્ટ્સમાં વિક્ષેપ ટાળવા માટે સેફગાર્ડ ડ્યુટીમાંથી આ મહત્વપૂર્ણ સામગ્રીને બાકાત રાખો.હાલની 7.5% બેસિક કસ્ટમ્સ ડ્યુટી (બીસીડી) દૂર કરો: એપીઆઈ-ગ્રેડ એચઆર કોઇલ અને પ્લેટ્સ પર આ ડ્યુટી હટાવવાથી મેન્યુફેક્ચરિંગ ઉદ્યોગને વધુ ટેકો મળશે.તમામ હિતધારકોને જોડો: પેટ્રોલિયમ અને કુદરતી ગેસ, સ્ટીલ અને જલ શક્તિ જેવા મંત્રાલયો, તેમજ ફોકિઆ, IPMA, SUFI અને ઉદ્યોગના અન્ય સંગઠનોની આવા પગલાં લાગુ કરતાં પહેલાં સલાહ લો.વૈશ્વિક સકસેસ સ્ટોરી જ દાવ પરવડાપ્રધાન નરેન્દ્ર મોદીના નેતૃત્વ હેઠળ, કચ્છ ક્ષેત્ર લાઇન પાઇપ મેન્યુફેક્ચરિંગ માટે વૈશ્વિક હબમાં પરિવર્તિત થયું છે. કચ્છ જિલ્લાના આ ક્લસ્ટર એ દેશના અર્થતંત્રમાં વાર્ષિક ₹50,000 કરોડનું યોગદાન આપ્યું છે. ફોકિઆ આ સફળતાનો શ્રેય મોદીની દૂરંદેશી નીતિઓ અને સમયસરના હસ્તક્ષેપોને આપે છે, જેમ કે 2016-17માં લઘુત્તમ આયાત કિંમતને માનનીય પ્રધાનમંત્રી ના હસ્તક્ષેપ ને કારણે હટાવવામાં આવી, જેણે આ ક્ષેત્રને પુનર્જીવિત કર્યું હતું. જો કે, ફોકિઆ ચેતવણી ના સુર માં કહે છે કે, સેફગાર્ડ ડ્યુટી લાદવાથી આ લાભો ઉલટી જાય એમ છે. તેણે ગ્લોબલ ટ્રેડ રિસર્ચ ઇનિશિયેટિવ (GTRI), "સ્ટીલ આયાત પ્રતિબંધોની ગુપ્ત કોસ્ટ્સ" નો એક વ્યાપક અહેવાલ સબમિટ કર્યો હતો, જે તેની દલીલને સમર્થન આપવા માટે ડેટા અને વિશ્લેષણ પ્રદાન કરે છે. ઉપરોક્ત અકબારી યાદી ફોકિયાના