Gujarat Weather : રાજયમાં બેવડી ઋતુનો અનુભવ, બપોરે ગરમી અને સવારે ઠંડી

રાજ્યમાં હાલ બેવડી ઋતુનો અનુભવ શહેરીજનોને થઈ રહ્યો છે,જેમાં સવારે અને રાત્રે ઠંડી જ્યારે બપોરે ગરમીનો અહેસાસ થઈ રહ્યો છે,નલિયામાં 15.6 ડિગ્રી તાપમાન નોંધાયું છે.રાજ્યમાં ધીરે ધીરે શિયાળાની વિદાય અને ઉનાળાની શરૂઆત થવા જઈ રહી છે,બીજી તરફ મોટાભાગના જિલ્લામાં તાપમાન 2 ડિગ્રી ઘટ્યું છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો અમદાવાદમાં 19.2 ડિગ્રી, ગાંધીનગરમાં 18.5 ડિગ્રી,કંડલામાં 15.7 ડિગ્રી, પોરબંદરમાં 15.8 ડિગ્રી,કેશોદમાં 16.7 ડિગ્રી, મહુવામાં 17.5 ડિગ્રી,વલ્લભ વિદ્યાનગરમાં 17.8 ડિગ્રી,સુરતમાં 18.1 ડિગ્રી, વડોદરામાં 18.2 ડિગ્રી,ડીસામાં 18.2 ડિગ્રી, રાજકોટમાં 18.6 ડિગ્રી,ભુજ 18.8 ડિગ્રી ,કંડલા 15.7 ડિગ્રી,ભાવનગર 20.1 ડિગ્રી,દ્વારકા 22.7 ડિગ્રી,ઓખા 22..0 ડિગ્રી,પોરબંદર 15.8 ડિગ્રી , વેરાવળ 20.1 ડિગ્રી,સુરેન્દ્રનગર 19.0 ડિગ્રી,મહુવા 17.5 ડિગ્રી, કેશોદ 16.7 ડિગ્રી તાપમાન નોંધાયું છે.

બપોરના સમયે ગરમીનો અહેસાસ

ગુજરાતમાં ઠંડી ધીરે ધીરે વિદાય લઈ શકે છે તેવી આગાહી હવામાન વિભાગ દ્વારા કરવામાં આવી છે. બંગાળની ખાડી તરફથી આવતા ભેજવાળા પવન અને વેસ્ટર્ન ડિસ્ટર્બન્સને કારણે રાજ્યના અનેક વિસ્તારોમાં વાદળછાયું વાતાવરણ છવાયું છે.આ સાથે ગરમી વધવાની પણ આગાહી કરી છે.હાલ ગુજરાતમાં ઉત્તરથી ઉત્તર પૂર્વની દિશાના પવન ફૂંકાઈ રહ્યા છે. ત્યારે ગુજરાતમાં 24 કલાક શુષ્ક હવામાન રહેશે.

રાજ્યમાં એક જ દિવસમાં તાપમાન 2 થી 5 ડિગ્રી વધી ગયું છે

પવનની દિશા બદલાતા તાપમાનમાં વધારો થયો છે. જમ્મૂ-કાશ્મીરમાં નવું વેસ્ટર્ન ડિસ્ટર્બન્સ સક્રિય થતા ગુજરાત પર તેની મોટી અસર જોવા મળી છે. અમદાવાદના લઘુત્તમ તાપમાનમાં એક દિવસમાં 3.5 ડિગ્રીનો વધારો થયો છે. વહેલી સવારે લાગતી ઠંડીના પ્રમાણમાં ઘટાડો થયો છે. પરંતું ત્રણ દિવસ બાદ ફરી ઠંડીમાં સામાન્ય વધારો થઈ શકે છે. જો કે, હાલના દિવસોમાં મિશ્ર ઋતુ રહેતી હોવાના કારણે રોગચાળાના પ્રમાણમાં વધારો થયો છે. સવારે અને રાત્રે ઠંડી તો દિવસના ભાગમાં ગરમીનો અનુભવ થઈ રહ્યો છે.