Gujarat palika panchayat Result 2025: ગુજરાતની સ્થાનિક સ્વરાજ્યની ચૂંટણીનું વાંચો પરફેક્ટ પિક્ચર

સ્થાનિક સ્વરાજની ચૂંટણીમાં ભચાઉમાં ભાજપની પેનલની જીત. પાલિકા ચૂંટણીમાં ભગવો લહેરાયો. તમામ 28 બેઠકો પર ભાજપે જીત નોંધાવી.  આ ઉપરાંત છોટા ઉદેપુર વોર્ડ નં. 2 ભાજપના 4 ઉમેદવારોની જીત થઈ આ વિસ્તાર એક સમયે કોંગ્રેસનો ગઢ માનવામાં આવતી હતી. પરંતુ ભાજપે સ્થાનિક સ્વરાજ ચૂંટણીને લઈને આ વિસ્તારમાં બહુ મહેનત કરી. છોટા ઉદેપુરમાં વોર્ડનં.2માં તમામ ઉમેદવારોની જીત થઈ. સ્થાનિક સ્વરાજની ચૂંટણીમાં આજે ભાજપ તરફી માહોલ દેખાય છે. જ્યારે કેટલીક બેઠક પર આમ આદમી પાર્ટીની પેનલની જીત થઈ રહી હોવાના વલણો દેખાઈ રહ્યા છે. આ બાબત ભાજપ ઉપરાંત કોંગ્રેસ માટે પણ બહુ આશ્ચર્યજનક કહી શકાય.

• ચલાલા નપામાં વોર્ડ નં.1માં ભાજપની પેનલનો વિજય
• માણસા વોર્ડનં.1માં ભાજપની પેનલનો વિજય
• બીલીમોરા વોર્ડ નંબર 1 માં ભાજપ ની પેનલ નો વિજય
• ભચાઉમાં ભાજપની પેનલની જીત, 28 બેઠકો પર વિજય
• સાબરકાંઠાના ખેડબ્રહ્મા વોર્ડ નંબર 1માં ભાજપની પેનલની જીત
• ચલાલા નગરપાલિકામાં ભાજપના 4 ઉમેદવારોની ભવ્ય જીત
• કોડીનાર નપા વોર્ડનં.1માં ભાજપની જીત
• કોડીનાર નપા વોર્ડનં.2માં ભાજપની જીત
• હાલોલ વોર્ડમાં ભાજપની જીત
• ગઢડા નગરપાલિકામાં ભાજપનો વિજય
• વોર્ડ નંબર 2ની મત ગણતરી શરૂ થઈ ગઈ
• ભાજપના 4 ઉમેદવારનો વિજય થયો
• સાણંદ નપામાં વોર્ડ નં. 1માં ભાજપનો વિજય
• તલોદમાં નપા વોર્ડ 3માં ભાજપની પેનલનો વિજય
• પ્રાતિંજમાં વોર્ડ નં. 4માં ભાજપની પેનલનો વિજય
• મોરબીમાં વાંકાનેરમાં ભાજપનો દબદબો
• માણાવદરમાં ભાજપની જીત
• હળવદ નપા પર ભાજપનો કબજો
• બાવળા વોર્ડ નં.4માં ભાજપનો વિજય

સ્થાનિક સ્વરાજની ચૂંટણીમાં જૂનાગઢમાં ગિરિશ કોટેચાના પુત્ર પાર્થની હાર થઈ છે. જૂનાગઢ મહાનગર પાલિકા પર અગાઉ કોંગ્રેસ પક્ષ જીતનો દાવો કરતો હતો. તેના બાદ હવે ભાજપ પક્ષ પણ મનપા પર જીત નિશ્ચિત હોવાનો ગણગણાટ કરવા લાગ્યો હતો. આજે સામે આવેલ પરિણામમાં જૂનાગઢમા ગિરિશ કોટેચાના પુત્ર પાર્થની હાર થઈ છે. ગિરિશ કોટેચાના પુત્ર વોર્ડ નંબર 9માં બેઠક પર ઉમેદવારી નોંધાવી હતી.