Gujarat BJP યુવા મોરચાનું નવું માળખું જાહેર, કારોબારીમાં 25 સભ્યોની નિમણૂંક

 ગુજરાત પ્રદેશ ભાજપ યુવા મોરચા દ્વારા લાંબા સમયની રાહ જોયા બાદ આખરે કારોબારી સભ્યોની સત્તાવાર નિમણૂંક કરવામાં આવી છે. પ્રદેશ પ્રમુખની સૂચના અનુસાર, યુવા મોરચાની આ નવી કારોબારીમાં કુલ 25 સભ્યોને સ્થાન આપવામાં આવ્યું છે. આગામી સ્થાનિક સ્વરાજની ચૂંટણીઓ પૂર્વે સંગઠનને મજબૂત કરવાના હેતુથી આ નિમણૂંકો કરવામાં આવી હોવાનું માનવામાં આવે છે.

ધારાસભ્યના પુત્રને સ્થાન મળતા વિવાદ

આ નિમણૂંકો જાહેર થતાની સાથે જ પક્ષની અંદર અને રાજકીય વર્તુળોમાં ગણગણાટ શરૂ થયો છે. ભાજપ અવારનવાર 'એક પરિવાર, એક હોદ્દો' અને વંશવાદના વિરોધની વાતો કરતું હોય છે, પરંતુ આ યાદીમાં તે નિયમનો છેદ ઉડતો જોવા મળ્યો છે. એલિસબ્રિજના ધારાસભ્ય અમિત શાહના પુત્રને આ નવી યુવા મોરચાની કારોબારીમાં મહત્વનું સ્થાન આપવામાં આવ્યું છે.

યુવા પાંખમાં નવી ઉર્જાનો પ્રયાસ

 25 સભ્યોની આ ટીમ હવે રાજ્યભરમાં યુવાઓને પક્ષ સાથે જોડવા અને સરકારની યોજનાઓ લોકો સુધી પહોંચાડવાનું કામ કરશે. નવી કારોબારીના સભ્યો આગામી દિવસોમાં સંગઠનાત્મક કાર્યક્રમોમાં સક્રિય ભૂમિકા ભજવશે. 

આ પણ વાંચો---     Bhavnagar : અશાંતધારામાં ભ્રષ્ટાચાર મામલે 15 દિવસે ફરિયાદ, મદદનીશ કલેક્ટરે જ પોતાના ડ્રાઈવર સામે ફરિયાદ નોંધાવી