Godhra:35 દિવસથી બંધ પડેલી શાળાઓમાં વિદ્યાર્થીઓનો કલરવ ગુંજી ઉઠયો

રાજ્યના તમામ જિલ્લાઓમાં આજથી નવા શૈક્ષણિક વર્ષ 2025- 26 નો શુભારંભ થવા પામ્યો છે.ત્યારે પંચમહાલ જિલ્લાના ગોધરા શહેર સહિત તમામ ગામો અને નગરોમાં આજ થી નવા શૈક્ષણિક સત્ર નો પ્રારંભ થતા જ છેલ્લા 35 દિવસથી ઉનાળા વેકેશન ના કારણે બંધ પડેલી શાળાઓ પુનઃ વિધાર્થીઓના કલરવ થી ગુંજી ઉઠી છે.

ગોધરા શહેરની તમામ શાળાઓમાં વહેલી સવારથી જ વિદ્યાર્થીઓની અભ્યાસ માટેની હાજરી જોવા મળી હતી. સ્કૂલનો આજે પ્રથમ દિવસ હોવાથી વાલીઓ પોતાના બાળકોને શાળાએ મૂકવા અને પરત લઈ જતા નજરે પડયા હતા.શૈક્ષણિક સત્ર નો પ્રારંભ થતા જ બાળકોના નોટ, ચોપડા, અન્ય સ્ટેશનરી,સ્કૂલ યુનિફોર્મ,સ્કૂલ બેગ,વોટર બોટલ તેમજ સૌથી મોટી વાલીઓની ચિંતા બાળકોની શાળાકીય ફી,વાન,ઓટો રિક્ષા ની મથામણમાં વાલીઓ પોરવાઈ ગયા હતા.ત્યારે ગોધરા શહેરમાં વાલીઓ ધ્વારા એક અઠવાડિયા પહેલાથી જ બાળકોના અભ્યાસ ને લઈ ચિંતિત જોવા મળતા તેઓની અભ્યાસ ની સામગ્રી ની ખરીદી તેમજ સ્કૂલના યુનિફોર્મ સહિત ની ખરીદી કરતા છેક ગત રોજ પૂર્વ સંધ્યા સુધી શહેરની દુકાનોમાં જોવા મળ્યા હતા.