Gandhinagar: CMએ પાઠવી ભાઈબીજની શુભકામના: ભાઈ-બહેનના અતૂટ સ્નેહના પર્વે દરેક પરિવારમાં સુખ-સમૃદ્ધિની કરી મંગલકામના!

દીપોત્સવ પર્વમાળાના અત્યંત પવિત્ર અને લાગણીસભર અવસર એવા ભાઈબીજ (યમ દ્વિતીયા) નિમિત્તે ગુજરાતના મુખ્યમંત્રી ભૂપેન્દ્ર પટેલે રાજ્યના તમામ નાગરિકોને હાર્દિક શુભકામનાઓ પાઠવી છે. મુખ્યમંત્રીએ આ પર્વને ભારતીય સંસ્કૃતિમાં પારિવારિક એકતા, સુરક્ષા અને ભાઈ-બહેનના પરસ્પર અતૂટ સ્નેહ તેમજ પવિત્ર બંધનનું જીવંત પ્રતીક ગણાવ્યું છે.

CMએ પાઠવી ભાઈબીજની શુભકામનાઓ

મુખ્યમંત્રીએ પોતાના શુભેચ્છા સંદેશમાં જણાવ્યું હતું કે ભાઈબીજનો આ તહેવાર પ્રત્યેક પરિવારમાં પરસ્પર પ્રેમ, આદર અને અતૂટ વિશ્વાસનો અજવાળો પાથરે. આ માંગલિક દિવસે તેમણે રાજ્યના પ્રત્યેક ઘરમાં સુખ, શાંતિ, ઉત્તમ આરોગ્ય અને અખૂટ સમૃદ્ધિનો વાસ થાય તેવી ઈશ્વર સમક્ષ અંતઃકરણપૂર્વક મંગલ પ્રાર્થના કરી હતી.

પારિવારિક લાગણીઓ અને સંસ્કૃતિનો સંગમ

ભાઈ અને બહેનના નિઃસ્વાર્થ પ્રેમ, લાગણી અને એકબીજા પ્રત્યેના સમર્પણને ઉજાગર કરતો આ તહેવાર સમાજમાં પારિવારિક મૂલ્યોને વધુ મજબૂત બનાવે છે.તહેવારોના આ શુભ દિવસોમાં રાજ્યના દરેક નાગરિકના જીવનમાં પ્રગતિના નવા દ્વાર ખુલે અને પરિવારોમાં સુખ-શાંતિ જળવાઈ રહે તેવી શુભેચ્છાઓ વ્યક્ત કરી. સમાજમાં ભાઈચારા, પરસ્પર વિશ્વાસ અને સ્નેહભાવનો સૂર્ય વધુ તેજસ્વી બને તેવી ભાવના વ્યક્ત કરવામાં આવી.

આ પણ વાંચો: Surat: ડભોલીમાં ધારા અરમોડા બિઝનેસ હબની લિફ્ટ ખોટકાઈ; 12 લોકો અધવચ્ચે ફસાયા