Diu દમણના સાંસદ ઉમેશ પટેલ વિરુદ્ધ વિવાદાસ્પદ નિવેદન બદલ FIR થઈ દાખલ

સંઘપ્રદેશ દમણ અને દીવના સાંસદ ઉમેશ પટેલ પર તાજેતરમાં એક ફેસબુક લાઈવ દરમિયાન આપેલા વિવાદાસ્પદ નિવેદન બદલ પોલીસ ફરિયાદ નોંધાઈ છે. આ ઘટનાને કારણે રાજકીય વર્તુળોમાં ભારે ચકચાર મચી ગઈ છે. સાંસદ ઉમેશ પટેલે થોડા દિવસ અગાઉ પોતાના સોશિયલ મીડિયા પર એક લાઈવ સેશન કર્યું હતું.

વિવાદાસ્પદ નિવેદનના મામલે સાંસદ પર FIR

જેમાં તેમણે કેટલાક આક્ષેપો સાથે વિવાદાસ્પદ ટિપ્પણીઓ કરી હતી. આ નિવેદનો બાદ તેમના વિરુદ્ધ કાયદેસરની કાર્યવાહીની માંગ ઉઠી હતી. પોલીસે આ મામલે ગંભીરતાથી નોંધ લીધી છે અને સાંસદ પર કલમ 353(1) અને 353(2) હેઠળ ફરિયાદ દાખલ કરવામાં આવી છે. આ કલમો હેઠળ સરકારી કર્મચારી પર હુમલો કરવો અથવા તેને ફરજ બજાવતા અટકાવવા જેવા ગંભીર ગુનાઓનો સમાવેશ થાય છે.

સ્થાનિક લોકો અને રાજકીય નેતાઓમાં ભારે આક્રોશ

સાંસદ જેવા જવાબદાર પદ પર બિરાજમાન વ્યક્તિ દ્વારા આ પ્રકારનું નિવેદન આપવામાં આવતા સ્થાનિક લોકો અને રાજકીય નેતાઓમાં ભારે આક્રોશ જોવા મળી રહ્યો છે. આ ઘટના બાદ પોલીસ દ્વારા આ મામલે વધુ તપાસ હાથ ધરવામાં આવી છે. સાંસદને હવે કાયદાકીય પ્રક્રિયાનો સામનો કરવો પડશે. આ ઘટનાએ ફરી એકવાર રાજકીય નેતાઓ દ્વારા સોશિયલ મીડિયાના ઉપયોગ અને તેમના નિવેદનોની જવાબદારી અંગે ગંભીર સવાલો ઊભા કર્યા છે.