Bhuj To Ahmedabad: નમો ભારત રેપિડ ટ્રેનને PMએ બતાવી લીલીઝંડી, જાણો વિશેષતા

ભારતને આજે દેશની પ્રથમ વંદે મેટ્રો ટ્રેન મળી છે.  જો કે આ ટ્રેનનું નામ  બદલીને 'નમો ભારત રેપિડ રેલ' રાખવામાં આવ્યું છે. અમદાવાદની મુલાકાતે આવેલા પીએમ મોદીએ અમદાવાદ જીઆઇડીસી ગ્રાઉન્ડ ખાતે જાહેર સભાને સંબોધન કરવા ઉપસ્થિત રહ્યા હતા. તે દરમિયાન પીએમ મોદીએ ભુજ અમદાવાદ નમો ભારત રેપિડ ટ્રેનને લીલીઝંડી બતાવી હતી. ત્યારે આવો જાણીએ આ ટ્રેનની શું છે ખાસિયત, ક્યાંથી ઉપડશે, ક્યારે ઉપડશે અને શું ભાડુ હશે ? ક્યાંથી ઉપડશે અને શું હશે ભાડુ ? પશ્ચિમ રેલવેના અધિકારીઓના જણાવ્યા મુજબ અમદાવાદ-ભુજ વંદે મેટ્રો ટ્રેન (હવે નમો ભારત રેપિડ રેલ) નવ સ્ટેશનો પર ઉભી રહેશે અને 110 કિમી પ્રતિ કલાકની મહત્તમ ઝડપે પાંચ કલાક 45 મિનિટમાં 360 કિલોમીટરનું અંતર કાપશે. અધિકારીઓએ જણાવ્યું હતું કે તે ભુજથી સવારે 5:05 વાગ્યે ઉપડશે અને સવારે 10:50 વાગ્યે અમદાવાદ જંકશન પહોંચશે. મુસાફરો માટે તેની નિયમિત સેવા અમદાવાદથી 17 સપ્ટેમ્બરથી શરૂ થશે અને સમગ્ર પ્રવાસ માટે ભાડું 455 રૂપિયા પ્રતિ પેસેન્જર હશે. કેટલા મુસાફરો કરી શકશે સવારી વંદે મેટ્રો ટ્રેન અને દેશમાં કાર્યરત અન્ય મેટ્રોની વિસ્તૃત વિગતો આપતા મંત્રાલયે કહ્યું કે વંદે મેટ્રો મહત્તમ 110 કિમી પ્રતિ કલાકની ઝડપે ચાલે છે. તે કહે છે કે તેનો ફાયદો એ છે કે તે યાત્રા ઝડપથી પૂર્ણ કરશે અને કાર્યક્ષમતામાં સુધારો કરશે. તેમાં કહેવામાં આવ્યું છે કે વંદે મેટ્રો ટ્રેનને અથડામણ વિરોધી 'કવચ' જેવી અદ્યતન સુરક્ષા પ્રણાલીઓથી સજ્જ કરવામાં આવી છે. રેલવે મંત્રાલયે કહ્યું કે વંદે મેટ્રો ટ્રેનમાં 12 કોચ હશે, જેમાં 1,150 મુસાફરોની બેઠક ક્ષમતા હશે. આ રીતે મેળવો ટિકિટ રેલવે દ્વારા આપવામાં આવેલી માહિતી અનુસાર, વંદે મેટ્રો (હવે નમો ભારત રેપિડ રેલ)ને અત્યાધુનિક સુવિધાઓથી સજ્જ કરવામાં આવી છે. આ ટ્રેન સંપૂર્ણપણે અનરિઝર્વ્ડ અને એર કન્ડિશન્ડ છે. મુસાફરો ટ્રેન ઉપડવાના થોડા સમય પહેલા કાઉન્ટર પરથી ટિકિટ ખરીદી શકશે. આ ટ્રેનને સ્વદેશી સેમી-હાઈ-સ્પીડ ટ્રેન વંદે ભારતની તર્જ પર તૈયાર કરવામાં આવી છે. ભુજ-અમદાવાદ નમો ભારત રેપિડ ટ્રેનનું શિડ્યુલ ટ્રેન નંબર 94802 સાથે, ભુજથી સવારે 5:05 વાગ્યે ઉપડશે 5 કલાક અને 45 મિનિટમાં સવારે 10:50 વાગ્યે અમદાવાદ પહોંચશે. ટ્રેન નંબર 94801 અમદાવાદથી સાંજે 5:30 વાગ્યે ઉપડશે 5 કલાક અને 40 મિનિટમાં રાત્રે 11:10 વાગ્યે ભુજ પહોંચશે. અંજાર, ગાંધીધામ, ભચાઉ, સામખીયાળી, હળવદ, ધ્રાંગધ્રા સ્ટેશન પર સ્ટોપ લેશે વિરમગામ, ચાંદલોડિયા અને સાબરમતી સહિતના વિવિધ સ્ટેશનો પર સ્ટોપ લેશે આ ટ્રેન અઠવાડિયાના 6 દિવસ ચાલશે. ટ્રેન નંબર 94802 રવિવારે દોડશે નહીં જ્યારે ટ્રેન નંબર 94801 શનિવારે દોડશે નહીં. આખી સફરનું ભાડું 455 રૂપિયા હશે.  શું છે ખાસિયતટ્રેનમાં સંપૂર્ણ એર-કન્ડિશન્ડ કોચ સાથે આરામ દાયક રીતે બેસી શકો તેવી સીટ ડિઝાઇન કરવામાં આવી છે. જે પરંપરાગત મહાનગરોની સરખામણીમાં એક મોટો અપગ્રેડ છે. આ ટ્રેન 110 કિમી/કલાકની ઝડપે કામ કરશે. જે મુસાફરોને તેમના ગંતવ્ય સ્થાનો પર વધુ ઝડપથી પહોંચવામાં મદદ કરશે.અથડામણ ટાળવાની કવચ  ટેક્નોલોજી, ફાયર ડિટેક્શન સિસ્ટમ, ઈમરજન્સી લાઈટ્સ અને એરોસોલ આધારિત ફાયર સપ્રેશનથી સજ્જ છે.વંદે મેટ્રોમાં 12 કોચ છે જેમાં 1,150 મુસાફરોની બેઠક ક્ષમતા છે. તેમાં ડબલ-લીફ ઓટોમેટિક સ્લાઇડિંગ દરવાજા છે, જેમ કે શહેરી મેટ્રોમાં છેમેટ્રોમાં દિવ્યાંગજનો માટે મૈત્રીપૂર્ણ શૌચાલય, ભોજન સેવાઓ, ચાર્જિંગ સોકેટ્સ, સીસીટીવી સર્વેલન્સ અને કોઈપણ કટોકટીની સ્થિતિમાં ડ્રાઈવર સાથે વાતચીત કરવા માટે ટોક-બેક સિસ્ટમથી સજ્જ