Bhavnagarમાં દિવાળીની રાત હત્યાથી ખરડાઈ, ફટાકટા ફોડવા બાબતે 3 લોકોએ ગુમાવ્યા જીવ

ભાવનગરમાં દિવાળીની રાત હત્યાથી ખરડાઈ છે જેમાં અલગ-અલગ વિસ્તારમાં 3 લોકોની હત્યા કરવામાં આવી છે.ફટાકડા ફોડવા જેવી બાબતે હત્યા કરવામાં આવી છે,ગંગાજળિયાના ગજજર ચોકમાં,ઘોઘા રોડ,હાથબ ગામમાં હત્યાની ઘટના બની છે,એક સાથે 3 હત્યાની ઘટના બનતા તહેવાર માતમમાં ફેરવાયો છે,સાથે સાથે પોલીસ પણ દોડતી થઈ હતી અને હત્યાનો ગુનો નોંધ્યો છે. ફટાકડા ફોડવા બાબતે હત્યા ભાવનગરમાં અલગ-અલગ વિસ્તારમાં હત્યાની ઘટના બની છે જેમાં ફટાકડા ફોડવા જેવી સામાન્ય બાબતને લઈ હત્યા કરવામાં આવી છે,ફટાકડા થોડા દૂર અને ધ્યાનથી ફોડો આવો ઠપકો આપવામાં આવતા આરોપીઓ ઉશ્કેરાઈ ગયા હતા અને હત્યા કરીને ફરાર થઈ ગયા છે,પોલીસે મૃતકોના પરિવારના નિવેદન નોંધી ગુનો નોંધ્યો છે અને આસપાસના સીસીટીવી પણ જપ્ત કરી આગળની કાર્યવાહી હાથધરી છે.આ હત્યામાં એક યુવક અને બે આધેડની હત્યા કરવામાં આવી છે. પોલીસે હાથધરી કાર્યવાહી ત્રણ હત્યાના બનાવ બનતાની સાથે જ પોલીસ પણ દોડતી થઈ હતી અને અલગ-અલગ ટીમો બનાવીને આરોપીને શોધવા કામે લાગી હતી,પોલીસે સીસીટીવી પણ જપ્ત કર્યા છે.અલગ-અલગ હત્યાના બનાવ બનતા સિવિલ હોસ્પિટલમાં મૃતકોના પરિવારના ટોળેટોળા ઉમટી પડયા હતા અને હત્યારાઓને ઝડપવા માટે માંગ કરી હતી,પોલીસે મૃતદેહને પીએમ અર્થે મોકલી આપ્યો છે,પીએમ થયા બાદ પરિવારને મૃતદેહ અંતિમવિધી માટે સોંપવામાં આવશે. જિલ્લાભરની પોલીસ લાગી કામે હત્યાની ઘટનાથી લઈ લોકોમાં રોષ ફેલાયો છે તેમજ અલગ-અલગ ટીમો બનાવીને પોલીસ પણ કામે લાગી છે,એક જ જિલ્લામાં આવી ઘટના બનતા પોલીસ પણ દોડતી થઈ ગઈ છે,કોણે હત્યા કરી તેના નામ હજી સામે આવ્યા નથી કે નથી આરોપીઓ ઝડપાયા ત્યારે પોલીસ પણ ઝડપી કામ કરી આરોપીઓને ઝડપી પાડે તેવી માંગ મૃતકોના પરિવાર દ્રારા કરવામાં આવી છે.