Baroda Dairyમાં ચેરમેન પદે દિનુ મામા અને વાઇસ ચેરમેન તરીકે જી. બી. સોલંકી

Aug 4, 2026 - 11:30

Join our WhatsApp Community to receive travel deals, free stays, and special offers!
- Join Now -

વડોદરા જિલ્લાના સહકારી ક્ષેત્રમાં અત્યંત મહત્વનું સ્થાન ધરાવતી બરોડા ડેરી (બરોડા જિલ્લા સહકારી દૂધ ઉત્પાદક સંઘ લિમિટેડ) ના નિયામક મંડળની પ્રક્રિયા આખરે પૂર્ણ થઈ ગઈ છે. લાંબા સમયથી ચાલી રહેલી રાજકીય અટકળો અને ખેંચતાણ બાદ ચેરમેન અને વાઇસ ચેરમેન પદ માટેની ચૂંટણી પ્રક્રિયા શાંતિપૂર્ણ વાતાવરણમાં સંપન્ન થઈ હતી.

બંને દિગ્ગજ નેતાઓની સર્વાનુમતે રિપીટ વરણી

સભાસદોની ઉપસ્થિતિમાં યોજાયેલી બેઠકમાં ચેરમેન પદ માટે દિનુ મામાના નામની સત્તાવાર જાહેરાત કરવામાં આવી હતી, જ્યારે વાઇસ ચેરમેન પદની જવાબદારી જી. બી. સોલંકીને સોંપવામાં આવી છે. સહકારી ક્ષેત્રમાં ઊંડો અનુભવ અને ખેડૂતો સાથે સીધો સંપર્ક ધરાવતા આ બંને દિગ્ગજ નેતાઓની સર્વાનુમતે રિપીટ વરણી કરવામાં આવતાં ડેરીના વહીવટમાં વધુ સુગમતા આવશે તેવો વિશ્વાસ વ્યક્ત કરવામાં આવી રહ્યો છે.

ફૂલહાર પહેરાવીને ઉષ્માભેર સ્વાગત

સહકારી સંગઠનને મજબૂત બનાવવા અને પશુપાલકોના હિતમાં નિર્ણયો લેવા માટે નવી નિમાયેલી બોડી કટિબદ્ધ રહેશે તેમ જણાવવામાં આવ્યું હતું. વરણી બાદ નવનિયુક્ત ચેરમેન દિનુ મામા અને વાઇસ ચેરમેન જી. બી. સોલંકીનું ફૂલહાર પહેરાવીને ઉષ્માભેર સ્વાગત કરવામાં આવ્યું હતું. સ્થાનિક નેતાઓ અને દૂધ મંડળીઓના પ્રમુખોએ બંને હોદ્દેદારોને શુભેચ્છા પાઠવી હતી.

આ પણ વાંચો : Gir Somnath પોલીસ બેડામાં ખળભળાટ, હોટલ જુગાર રેડમાં 5 લાખના તોડકાંડ મુદ્દે બે PSI સસ્પેન્ડ