Ahmedabadમાં દરિયાપુરમાં SMCની રેડનો મામલો, આરોપીઓને ઘી કાંટા મેટ્રો કોર્ટમાં હાજર કરાયા...

અમદાવાદના સંવેદનશીલ ગણાતા દરિયાપુર વિસ્તારમાં સ્ટેટ મોનિટરિંગ સેલ (SMC) દ્વારા એક મનપસંદ જિમ ખાનામાં અચાનક રેડ પાડવામાં આવી હતી. આ દરોડાના પગલે સ્થાનિક પોલીસ બેડામાં અને અસામાજિક તત્વોમાં ભારે ખળભળાટ મચી ગયો હતો. પોલીસની આ આક્રમક કાર્યવાહીથી ગેરકાયદે પ્રવૃત્તિઓ ચલાવતા શખ્સોમાં ફફડાટ વ્યાપી ગયો છે.

5 પોલીસ બસો દ્વારા 187 આરોપીઓની કોર્ટમાં પેશી

આ રેડ બાદ પકડાયેલા કુલ 187 જેટલા આરોપીઓને ઘી કાંટા સ્થિત મેટ્રોપોલિટન કોર્ટમાં કડક પોલીસ બંદોબસ્ત સાથે રજૂ કરવામાં આવ્યા હતા. મોટી સંખ્યામાં આરોપીઓ હોવાને કારણે સુરક્ષા વ્યવસ્થાના ભાગરૂપે તેમને કુલ 5 પોલીસ બસોમાં ભરીને કોર્ટ પરિસરમાં લાવવામાં આવ્યા હતા, જેનું દ્રશ્ય ચર્ચાનો વિષય બન્યું હતું.

ગામા પટેલ સહિતના આરોપીઓના રિમાન્ડની માગ

આ કેસના મુખ્ય આરોપી ગામા પટેલ સહિત અન્ય તમામ આરોપીઓને કોર્ટમાં રજૂ કરીને તપાસ અધિકારીઓ દ્વારા તેમના રિમાન્ડની માગણી કરવામાં આવી છે. કોર્ટ દ્વારા બંને पक्षोंની દલીલો સવિસ્તર સાંભળવામાં આવી રહી છે અને ત્યારબાદ આરોપીઓના રિમાન્ડ મંજૂર કરવા અંગેનો સત્તાવાર નિર્ણય જાહેર કરવામાં આવશે.

આ પણ વાંચો : Monsoon 2026 : ધારાસભ્ય હાર્દિક પટેલે CM ને પત્ર લખ્યો, નળકાંઠા વિસ્તારમાં નુકસાની સહાય આપવા કરી માંગણી...