Ahmedabad: સેવન્થ ડે સ્કૂલે DEOના નિર્ણયને હાઇકોર્ટમાં પડકાર્યો, ગુજરાત હાઈકોર્ટમાં સુનાવણી હાથ ધરાશે

અમદાવાદ શહેરના ખોખરામાં આવેલી સેવન્થ ડે સ્કૂલમાં 19 ઓગસ્ટના રોજ એક વિદ્યાર્થી દ્વારા બીજા વિદ્યાર્થીને ધારદાર હથિયાર મારીને મોત નિપજાવ્યું હોવાનો બનાવ સામે આવ્યો હતો. સેવન્થ ડે સ્કૂલમાં વિદ્યાર્થીની હત્યા કેસમાં DEOની નોટિસ સામે સ્કૂલની HCમાં અરજી કરવામાં આવી છે. આજે ગુજરાત હાઇકોર્ટમાં સુનાવણી હાથ ધરાશે. સ્કૂલે DEOના નિર્ણયને હાઇકોર્ટમાં પડકાર્યો છે. અરજીમાં સરકાર, DEOને પક્ષકાર બનાવાયા છે. સ્કૂલ વતી એક્ટિંગ પ્રિન્સિપાલ દ્વારા HCમાં અરજી કરવામાં આવી છે.

સેવન્થ ડે સ્કૂલ હત્યા કેસ

આ સેવન્થ ડે શાળામાં વિદ્યાર્થી દ્વારા કરવામાં આવેલી હત્યા બાદ લોકોમાં રોષ જોવા મળ્યો હતો. વાલીઓ દ્વારા શાળા સામે વિરોધપ્રદર્શનો કરવામાં આવ્યા હતા. પોલીસ દ્વારા શાળામાં બંદોબસ્ત ગોઠવી દેવામાં આવ્યો હતો. વાલીઓ દ્વારા સ્કૂલ સામે કાર્યવાહી કરવા માગ ઉઠી હતા. આ મામલે DEOની નોટિસ સામે સેવન્થ ડે સ્કૂલની હાઈકોર્ટમાં અરજી કરી છે. તપાસ સમિતિના ગઠનની કાયદેસરતા અને સબંધિત દસ્તાવેજો માંગવાના DEOના નિર્ણયને પડકારાયો છે.

DEOની નોટિસ સામે સ્કૂલની HCમાં અરજી

અરજીમાં રાજ્ય સરકાર અને DEOને પક્ષકાર બનાવવામાં આવ્યા છે. સેવન્થ ડે સ્કૂલ વતી એક્ટિંગ પ્રિન્સિપાલ દ્વારા હાઈકોર્ટમાં અરજી કરી છે. આજે ગુજરાત હાઈકોર્ટમાં સુનાવણી હાથ ધરાશે. આ કેસની તપસા અમદાવાદ ક્રાઈમ બ્રાન્ચને સોપવામાં આવી છે. સેવન્થ ડે સ્કૂલને ગંભીર બેદરકારી સામે 3 નોટિસ આપવામાં આવી છે. આ ઘટના બાદ શાળામાં ઓનલાઈન શિક્ષણ કાર્ય ચાલું કરવામાં આવ્યું છે.