Ahmedabad: SG હાઈવે પર ગંભીર અકસ્માત, યુવક રસ્તા પર પટકાયો

અમદાવાદ ફરી એક વખત અકસ્માતની ઘટના સામે આવી છે. અમદાવાદના એસ.જી. હાઈવે પર ગંભીર અકસ્માતની ઘટના બની છે. એક યુવક ઝાયડસ હોસ્પિટલની કટ પાસે મોટર સાયકલ લઈને જઈ રહ્યો હતો અને મોટર સાયકલ અચાનક ડિવાઈડર સાથે ટકરાતા યુવકે સ્ટેયરિંગ પરથી કાબૂ ગુમાવ્યો અને રસ્તા પર પટકાયો હતો. અકસ્માતમાં ગંભીર રીતે ઈજાગ્રસ્ત યુવકને હાલમાં સારવાર માટે હોસ્પિટલમાં ખસેડાયો છે.અમરેલીના રાજુલા પાસે ગોઝારો અકસ્માત સર્જાયો અમરેલીના રાજુલા પાસે એક ગોઝારો અકસ્માત સર્જાયો છે. રાજુલા પાસેના બારપટોળી ગામ નજીક ત્રિપલ અકસ્માત સર્જાયો છે. જેમાં 3 મોટર સાયકલ એકબીજા સાથે અથડાતા મોટો અકસ્માત સર્જાયો છે, જેમાં 4 લોકો ગંભીર રીતે ઘાયલ થયા છે અને 2 લોકોના ઘટનાસ્થળે જ મોત નીપજ્યા છે. એક બાઈકચાલક અકસ્માત સર્જીને થયો ફરાર હાલમાં તમામ ઈજાગ્રસ્તોને 108 એમ્બ્યુલન્સ મારફતે રાજુલાની હોસ્પિટલમાં સારવાર અર્થે ખસેડવામાં આવ્યા છે અને વધુ સારવાર શરૂ કરવામાં આવી છે. તમને જણાવી દઈએ કે અકસ્માતમાં એક મોટલ સાયકલ ચાલક અકસ્માત સર્જીને ફરાર થઈ ગયો છે. ત્યારે અકસ્માતની ઘટના બાબતે રાજુલા પોલીસને જાણ થતાં તાત્કાલિક પોલીસની ટીમ ઘટના સ્થળે પહોંચી અને ગુનો નોંધીને અકસ્માતની ઘટના બાબતે વધુ તપાસ શરૂ કરી છે.